Əl-Qaidə, İŞİD və Talibanın Əl-Əqsa Fırtınası əməliyyatına reaksiyası + FOTO

“İslam Dünyası Xəbərləri” informasiya agentliyi saytının məlumatına görə, “Əl-Qaidə” terror qruplaşmasının müxtəlif qolları, o cümlədən “Əl-Qaidə” və “Əl-Qaidə”nin Subkontinentdəki komandanlığı (Hindistan yarımadasındakı “Əl-Qaidə”), Ərəbistan Yarımadasanıdakı “Əl-Qaidə” (Əl-Qaidənin Yəməndəki qolu) və Haras əd-Din (Əl-Qaidənin Suriyadakı qolu) və Əl-Şəbab əl-Mücahidin (Əl-Qaidənin Somalidəki qolu) və əl-Məğrib əl-Qaidə İslami (Əl-Qaidənin Şimali Afrika və Sahil bölgəsindəki qolu) hər biri ayrı-ayrılıqda və öz media qolları vasitəsilə Fələstin müqavimətinin Əl-Əqsa Fırtınası əməliyyatını dəstəkləyib.

Qeyd edək ki, Əfqanıstan Talibanı da Əl-Əqsa Fırtınası əməliyyatına reaksiya olaraq bunu dəstəkləyib. Təhrik-e-Taliban Pakistan da qrupun media qolu olan Ömər Media tərəfindən verilən açıqlamada Əl-Əqsa Fırtınası əməliyyatını dəstəkləyib.

Daha çox oxuyun:
İnfoqrafik: Əl-Əqsa Fırtınası əməliyyatının nəticələri; yeddinci gün
Qəzza zolağı ətrafındakı son hərbi vəziyyətin xəritəsi, 13 Oktyabr 2023

Bu arada İŞİD Əl-Əqsa Fırtınası əməliyyatının ilk həftəsində bu əməliyyata heç bir reaksiya verməyib. İŞİD tərəfdarları qrupun HƏMAS-ı mürtəd adlandıran köhnə media məzmununun bir qismini yenidən dərc etsələr də, İŞİD, cümə günü, oktyabrın 13-də dərc olunan Əl-Nabaa həftəlik qəzetinin 412-ci sayında redaksiya və yekun infoqrafikasında işğal olunmuş Fələstində baş verən hadisələrə dolayısı ilə reaksiya verib. İŞİD “Nusra əl-Muslimin” başlığı altında bu redaksiya yazısında dolayısı ilə Qəzzə xalqının əzablarına işarə edib və dini diskurs şəklində əziyyət çəkən müsəlmanlara dəstək istəyib. İŞİD həmçinin həftəlik qəzetinin yekun infoqrafikasında Qəzzanın xarabalıqlarının şəklini dərc edərək müsəlmanları qardaş hesab edib və əziyyət çəkən müsəlmanlara kömək etməyi vurğulayıb.