İsrail qırıcı təyyarələri Qəzza zolağına hücum edib + FOTO

“İslam Dünyası Xəbərləri” informasiya agentliyi saytının məlumatına görə, sionist rejim qırıcıları ötən gecə Beyt Lahiya, Beyt Hanun, Xan Yunis, Rəfah və Qəzzə bölgələrini bombalayıblar.

Aşağıdakı şəkillər Qəzza şəhərində Əl-Rabat Universitetinin bombalanması ilə bağlıdır. Rəfahın cənubunda həyata keçirilən hava hücumlarından birində 9 mülki şəxs şəhid olub.

Hava hücumları və ağır bombardmanlar Fələstin müqavimətinin şiddətli hücumlarına cavab olaraq həmişə İsrailin təsirli həll yolu olub. Odur ki, İsrail hava limanları və aviabazalarının fəaliyyəti müqavimətin hücumuna məruz qalarsa, döyüşlərdə daha bir əhəmiyyətli dəyişikliyin şahidi olacağıq.