Fələstin müqaviməti işğal olunmuş ərazilərə geniş raket hücumuna başlayıb + VİDEO

“İslam Dünyası Xəbərləri” informasiya agentliyi saytının məlumatına görə, oktyabrın 7-də Fələstin müqavimət qrupları işğal olunmuş ərazilərdəki müxtəlif şəhərləri raket hücumları ilə hədəfə alıb.

Bu geniş yayılmış raket hücumlarından sonra Təl-Əviv, Rişon Letzion, Rahofot və digər ərazilərdə həyəcan sirenləri çalınıb. İvritdilli mənbələr işğal olunmuş Fələstinin cənubundakı bir çox sionist şəhər və qəsəbələrin müqavimətin raket hücumları yağışı altında olduğunu və işğal olunmuş ərazilərin cənubdan şimala qədər böyük bir hissəsində həyəcan sirenləri çaldığını elan ediblər.

Bununla bağlı sionist rejimin 12-ci kanalı müqavimətin Təl-Əvivi ağır və uzaq mənzilli raketlərlə hədəfə aldığını vurğulayıb. İvritdilli “Yedioth Ahronoth” qəzeti Müqavimət qüvvələrinin raket hücumlarından sonra Aşkelon şəhərində onlarla avtomobilin yandırıldığını açıqlayıb. Sionist rejim televiziyasının 13-cü kanalı da Aşkelona müqavimət raketi hücumunda bir binanın hədəf alındığını və 4 sionistin yaralandığını açıqlayıb.

Sionist rejim Ordusu Radiosu Təl-Əvivin şərqindəki Ramat Qan bələdiyyəsinin müqavimətin raket hücumlarından sonra sığınacaqların qapılarını sionistlərin üzünə açdığını elan edib. Sionist rejim Ordusu Radiosunun müxbiri müqavimət qruplarının bu gün səhər Qəzza zolağındakı əməliyyatlarının əhatə dairəsi və zaman baxımından tamamilə misilsiz olduğunu və bu rejimin təəccübünə səbəb olduğunu elan edib.

Əl-Cəzirə telekanalının müxbiri Aşdod şəhərində bir sionistin həlak olması və Aşkelon, Beer-Şeba və Kiryat Qatda bir neçə nəfərin yaralanması barədə məlumat verib və sionistlərdən heç bir halda evdə qalmalarını və heç bir halda oranı tərk etməmələrini tələb edib.