Türkiyə Daxili İşlər Nazirliyinin yaxınlığında terror aktı baş verib + VİDEO və FOTO
![](https://az.iswnews.com/wp-content/uploads/2023/10/Terrorist-attack-near-the-Ministry-of-Interior-of-Turkiye.jpg)
Türkiyənin daxili işlər naziri Ankaranın Kızılay rayonunda Türkiyə Daxili İşlər Nazirliyinin binası yaxınlığında terror aktlarına cəhd və iki polisin yaralandığını açıqlayıb.
“İslam Dünyası Xəbərləri” informasiya agentliyi saytının məlumatına görə, Ankaradakı yerli mənbələr Türkiyə Daxili İşlər Nazirliyinin yaxınlığında atışma və partlayış səslərinin eşidildiyini bildirdikdən sonra Türkiyənin Daxili İşlər Nazirliyi açıqladı: “Nazirliyə qarşı terror aktı törətməyə cəhd Daxili İşlər təhlükəsizlik qüvvələri tərəfindən təsirsiz hala gətirildi”.
Türkiyə mətbuatının bildirdiyinə görə, iki terrorçu avtomobillə Baş Təhlükəsizlik İdarəsinin darvazasının qarşısına keçərək əməliyyata başlayıb və bu zaman onlardan biri özünü partladıb.
Bununla bağlı Türkiyənin Anadolu Xəbər Agentliyi məlumat yayıb ki, Ankara Prokurorluğu Daxili İşlər Nazirliyinin Baş Təhlükəsizlik İdarəsinin qarşısında törədilmiş terror aktı ilə bağlı araşdırmalara başlayıb və bu hadisə ilə bağlı yayıma və məzmuna girişə qadağa qoyub.
Hələlik heç bir şəxs və ya qruplaşma bu hücuma görə məsuliyyəti üzərinə götürməyib. Bununla bağlı ətraflı məlumat dərc olunmayıb.
![](https://az.iswnews.com/wp-content/uploads/2023/10/Terrorist-attack-near-the-Ministry-of-Interior-of-Turkiye-1-1024x768.jpg)
![](https://az.iswnews.com/wp-content/uploads/2023/10/Terrorist-attack-near-the-Ministry-of-Interior-of-Turkiye-2-660x1024.jpg)
![](https://az.iswnews.com/wp-content/uploads/2023/10/Terrorist-attack-near-the-Ministry-of-Interior-of-Turkiye-3-1024x682.jpg)
![](https://az.iswnews.com/wp-content/uploads/2023/10/Terrorist-attack-near-the-Ministry-of-Interior-of-Turkiye-4-1024x682.jpg)
Rəy