İsrail qüvvələrinin Ceninə hərbi hücumu; Dörd fələstinli şəhid olub + FOTO

“İslam Dünyası Xəbərləri” informasiya agentliyi saytının məlumatına görə, İsrail ordusunun qüvvələri sentyabrın 19-da Cenin şəhərinə hücum edib, bunun ardınca onlarla Fələstin müqavimət qüvvələri arasında şiddətli silahlı qarşıdurma baş verib və bu zaman ən azı 4 fələstinli şəhid olub, 30 nəfər yaralanıb.

Fələstin müqavimət qüvvələri sionist rejimin xüsusi təyinatlı qüvvələrinin Cenin düşərgəsinə basqını və onlarla toqquşduqdan sonra sionist rejimin bir neçə dəstək qüvvəsi dərhal daxili qüvvələrə kömək etmək üçün Ceninə gedib.

Kətaib Əl-Qəssam bir bəyanatda fələstinli hərbçilərin sionist işğalçı qüvvələrin atəşə tutulduğunu və yolda bombalar partlatdıqlarını açıqlayıb.

Bu arada İsrail ordusu Ceninə hücum zamanı axtarışda olan iki fələstinli döyüşçünü həbs etdiyini iddia edib. Sionist rejim televiziyasının 12-ci kanalı da İsrail əsgərlərinin Ceninə hücumunda müqavimətin tanınmış rəsmilərindən birini əsir götürdüklərini elan edib.

İbranidilli “Rişt Kan” şəbəkəsinin müxbiri Rui Şaron vurğulayıb ki, Cenin düşərgəsində şiddətli toqquşmalar və bir hərbi maşını sıradan çıxaran İsrail qüvvələrinin yolundakı bombanın partlaması açıq şəkildə sübut edir ki, iki-iki ay yarım əvvəl bu düşərgəyə qarşı gündəlik əməliyyat nəticəsiz qaldı və heç bir əməliyyat nailiyyətinə səbəb olmadı.

Bununla bağlı HƏMAS-ın tanınmış liderlərindən olan Muşir Əl-Misri Əl-Cəzirə kanalı ilə söhbətində sionist işğal rejimini təhdid edib və deyib: “Sionist düşmən bilməlidir ki, Təl-Əvivin təhlükəsizliyi Ceninin təhlükəsizliyindən asılıdır!”