Yəmən danışıqları razılaşma ərəfəsində; Yəmənin Qurtuluş hökumətinin heyəti Sənaaya qayıdıb + FOTO

“İslam Dünyası Xəbərləri” informasiya agentliyi saytının məlumatına görə, Yəmən rəsmiləri Ər-Riyadda Səudiyyə Ərəbistanının səlahiyyətli şəxsləri ilə bir neçə günlük məsləhət və müzakirələrdən sonra Yəmən hökumətinin yüksək vəzifəli şəxsləri ilə müzakirə və fikir mübadiləsi aparmaq üçün Sənaaya qayıdıb.

Ənsarullahın sözçüsü və Yəmənin Qurtuluş Hökumətinin danışıqlar rəhbəri Məhəmməd Əbdül-Salam deyib: “Omanlı qardaşların sülhün dəstəklənməsi və humanitar böhrana son qoyulması istiqamətində təqdirəlayiq səyləri çərçivəsində nümayəndə heyətimiz səudiyyəlilər ilə bir sıra görüşlər keçirib. Səudiyyə tərəfi Ər-Riyad səfəri zamanı bəzi variantlar və alternativlər verdilər. Onlar, danışıqların əvvəlki raundunda qeyd olunan mübahisəli məsələlərdən olan, işçilərin maaşlarının tez ödənilməsi ilə bağlı rəhbərliklə məsləhətləşəcəklərini və kömək edəcəklərini və Yəmən xalqının humanitar vəziyyətinə ədalətli, hərtərəfli və davamlı şəkildə kömək edəcəklərini vurğuladılar”.

Məhəmməd Əbdül-Salamın açıqlamalarına və Səudiyyə Ərəbistanının müdafiə naziri Xalid bin Salmanın Ər-Riyadda keçirilən danışıqlarla bağlı nikbinliyinə əsasən, danışıqların bu raundunda tərəflərin əvvəlki razılaşmalardan daha geniş razılığa gəldiyi təxmin edilir. Bu saziş sabit atəşkəs, hava limanlarının, limanların və yolların yenidən açılması, Yəmənin neft və qaz ehtiyatlarının təkrar ixracı və onun gəlirlərindən işçilərin maaşlarının ödənilməsi, məhbusların dəyişdirilməsi, Mərkəzi Bankın vahid olması kimi bir sıra məsələlər Yəmənin istefa vermiş hökuməti ilə sülhə nail olmaq və Yəmənin gələcək hökumətini formalaşdırmaq da istifadə oluna bilər.

Daha çox oxuyun: Yəmən və Səudiyyə Ərəbistanı arasında danışıqlar davam edir; Ənsarullah heyəti Riyada səfər edib