Əl-Xəzəli: Amerika qoşunlarının İraqdan çıxarılması dəqiqdir + VİDEO

“İslam Dünyası Xəbərləri” informasiya agentliyi saytının məlumatına görə, İraqın Əsaib Əhlil-Həq müqavimət dəstəsinin baş katibi avqustun 22-də “Əl-İraqiyyə” telekanalına müsahibəsində deyib ki, ABŞ-ın İraqdakı hərbi mövcudluğunun ilk məqsədi sionist rejimin İraqdakı təhlükəsizliyini qorumaqdır. Amerika qoşunlarının İraqdan çıxarılması məsələsi qaçılmazdır və amerikalılar da bu məsələdən xəbərdardırlar.

O, daha sonra əlavə edib: “Bizdə tam məlumat var ki, 2500 Amerika hərbi qüvvəsi İraqda yerləşdirilib və bu mövcudluq İraq hökumətinin məlumatı ilə edilib. Hərir bazasından da Suriyaya 1500-ə yaxın əsgər göndəriləcək. Amerikalıların başına gələnlərin İraqa heç bir təsiri yoxdur və bu hərəkətlərin heç bir əhəmiyyəti yoxdur. İraq özünü müdafiə edə bilər; İraqa göndərilən Amerika ordusu hərbidir və onların əksəriyyəti Suriyada olacaq”.

Əl-Xəzəli amerikalıların İraq və Suriya sərhədlərində muxtar bölgə yaratmağa çalışdıqlarını bildirib və deyib: “Biz Əl-Ənbar vilayətinin sakinlərindən Amerikanın məqsədlərindən xəbərdar olmalarını xahiş edirik. ABŞ-ın hərbi mövcudluğunu dayandırmaq üçün danışıqlar məsələsi köhnə məsələdir. Əl-Kazimi hökuməti bununla bağlı heç bir real addım atmayıb”.

Sonda Əsaib Əhlil-Həq müqavimət dəstəsinin baş katibi beş və ya on min amerikalının İraq üçün təhlükə ola bilməyəcəyinə işarə edərək, Amerika qüvvələrinin İraqdan çıxarılması məsələsinin qəti olduğuna işarə edib və bildirib: “Amerika tərəfi ilə danışıqların aparılması düzgün istiqamətdə atılmış addımdır”.