Livanda Zeynəbiyyə məntəqəsində terror hadisəsi törədən şəxs intihar edib

“İslam Dünyası Xəbərləri” informasiya agentliyi saytının məlumatına görə, Livan mediası Livan Hizbullah qüvvələrinin “Visam Mazen Dela” adlı (2000-ci il təvəllüdlü) Suriya vətəndaşının Livana gizli şəkildə daxil olması barədə məlumat aldıqdan sonra özlərini onun Beyrutun cənub ətraflarında yerləşən “Həyy Əl-Salam” bölgəsindəki mənzildə yaşadığı yerə çatdırdıqları barədə xəbər yayımlayıb.

Lakin iyulun 27-də Dəməşqin Zeynəbiyyə bölgəsində baş verən partlayışı törədənlərdən biri olan Visam Mazen Dela təhlükəsizlik qüvvələrini görüb və özünü yeddinci mərtəbədə yerləşən evin eyvanından aşağı atıb.

Livanın “Əl-Əxbar” qəzeti yazıb: “Livan Hizbullahında bu şəxsin bu dəfə Livanda yeni bir terror əməliyyatı həyata keçirmək niyyətində olduğuna işarə edən məlumatlar var idi”.

Bu xəbərə görə, Hizbullahın Suriyadakı təhlükəsizlik qüvvələri araşdırma apararaq bu şəxsin Dəməşqin Zeynəbiyyə bölgəsində Aşura gecəsi törədilən terror cinayəti ilə əlaqəsini müəyyən edib və bu səbəbdən onu təqib ediblər. Bu terrorçunun gizləndiyi yeri aşkar etdikdən sonra o, eyvana çıxararaq intihar edib.

Bu Livan qəzetinin iddiasına görə, Visam Mazen Dela yaşayış yerini tərk etdiyi üçün növbəti terror cinayəti törətməkdən qorxulduğu üçün bu terrorçunun tutulması və sığınacağına basqın əməliyyatı tez və dərhal həyata keçirilib.

Bəzi digər mənbələr də iddia edib ki, ilkin məlumatlara görə, bu terrorçunun intihar etməsinə baxmayaraq, Livanda terror əməliyyatına hazırlaşan daha dörd terrorçu həbs edilib.

Xatırladaq ki, iyulun 27-də Dəməşqin Zeynəbiyyə bölgəsində partlayıcı maddə ilə təchiz edilmiş avtomobil partladılıb və bu terror partlayışı zamanı azı 6 nəfər şəhid olub, 23 nəfər yaralanıb. Bu hadisədən sonra İŞİD terror qruplaşması bəyanat yayaraq Dəməşqdəki partlayışa görə məsuliyyəti öz üzərinə götürüb.

Daha çox oxuyun: Dəməşqin Zeynəbiyyə məntəqəsində terror partlayışı; 6 şəhid və 23 yaralı + FOTO