Amerika mediası: Rusiya İran dronlarının surətini çıxarır və onlardan Ukraynaya hücum etmək üçün istifadə edir
Bəzi Qərb rəsmiləri rusların Ukrayna müharibəsində İran dronlarından istifadə etdiyini iddia edərkən, Amerika mediası hərbi silah tədqiqatçılarına istinadən rusların İranın Şahid-136 dronlarını kopyalayıb Giran 2 adı ilə istifadə etdiyini bildirib. Bu etiraf İran hakimiyyətinin İranın Ukraynadakı müharibədə iştirak etməməsi və ya İran dronlarının orada mövcudluğu, Ukraynaya qarşı hücumlarda Şahid-136 dronlarının istifadə olunması ilə bağlı fikirlərin doğru olmadığı iddiasını təsdiqləyir.
“İslam Dünyası Xəbərləri” informasiya agentliyi saytının məlumatına görə, “New York Times” Şahid-136 dronları ilə bağlı şayiələr haqqında yeni bir hesabat dərc edərək deyib: “Cümə axşamı günü bir qrup silah tədqiqatçısının dərc etdiyi hesabat, Rusiyanın silah istehsalını iflic etmək üçün ona tətbiq olunan sanksiyalara baxmayaraq, o, İran İslam Respublikasından aldığı hücum dronları kopyaladığını və Ukrayna qüvvələrinə qarşı döyüşlərdə istifadə etdiyini göstərir”.
Silah tədqiqatçıları iyulun sonlarında Ukraynanın cənub-şərqində döyüşlərdə istifadə edilən iki hücum dronu qalıqlarını araşdırmaq üçün Ukraynanın paytaxtı Kiyevə gediblər. Hər iki dron İranın Şahid 136 dronlarına oxşar idi, lakin daha əvvəl Rusiya casus dronlarında tapılan komponentlərə uyğun gələn elektron modullara malik idi. Həmçinin bu dronların istehsalında istifadə olunan materiallar, eləcə də bədənlərinin daxili quruluşu İran istehsalı olduğu deyilən dronlardan çox fərqli idi.
Tədqiqatçılar tərəfindən təhlil edilən İran dronlarının gövdələri bir növ yüngül materialdan hazırlanıb, lakin Rusiya dronları karbon lifi təbəqələri üzərində toxunmuş fiberglasdan hazırlanıb. Giran dronlarının tərkibində tədqiqatçıların daha əvvəl döyüş meydanında kəşf edilmiş Rusiya dronlarında müşahidə etdikləri Komta adlı elektron modullar var idi. Ruslar Komta bələdçi sistemlərindən istifadə edərək, dronların uçması və hədəf nöqtəsinə istiqamətləndirilməsi üçün tələb olunan daxili elektronikanı sadələşdirirlər.
Bu araşdırmanı İngiltərədə yerləşən və müharibələrdə istifadə olunan silah və sursatları müəyyən edən və araşdıran “Müharibə Sursatlarının Araşdırılması” (Conflict Armament Research-CIR) təşkilatı aparıb.
Silah tədqiqatçısı Damien Splitters-in fikrincə, rusların dronu yerli istehsal etməsi onlara müstəqil olmağa imkan verir və Rusiyaya kamikadze dronlara əsaslanan hücum modellərini saxlamağa imkan verir.
İranın Şahid 136 dronunun rus versiyası adətən Giran-2 və ya Granium-2 (rus dilində) kimi tanınır. Sənədlərin və məlumatların nəzərdən keçirilməsi göstərir ki, ruslar hazırda Ukrayna hərbçilərini hədəfə almaq üçün yerli istehsal olan dronlardan istifadə edir və İranın Şahid 136 dronlarının Ukraynaya qarşı istifadə edilməsi ilə bağlı yayılan xəbərlər doğru deyil.
Rəy