Amerika Yəmən müharibəsinə birbaşa daxil olması üçün regiona qoşun çəkib

“İslam Dünyası Xəbərləri” informasiya agentliyi saytının məlumatına görə, Amerika Birləşmiş Ştatları Müdafiə Nazirliyinin elan etdiyi əvvəlki planın bir hissəsi olaraq, Amerika terrorçu ordusunun beşinci donanması üç min amerikalı dəniz piyadası ilə Qırmızı dəniz və Bab Əl-Məndəb də daxil olmaqla, Qərbi Asiya regionunun strateji dəniz ərazilərinə gəlib.

ABŞ Hərbi Dəniz Qüvvələri həmçinin 20-dən çox vertolyot daşıya bilən təyyarədaşıyan USS Bataan və USS Carter Hall desant gəmisi Aralıq dənizini keçərək Süveyş kanalından keçərək Qırmızı dənizə göndərib.

Amerikanın bu hərəkəti gərginlik yaratmaq və regionun dəniz təhlükəsizliyini pozmaq məqsədi daşıyır. Bəzi analitiklər ABŞ-ın ağır hərbi texnika və silahlar yerləşdirməsini bu ölkənin İrana qarşı hərbi əməliyyatlara, eləcə də Yəmən müharibəsinə müdaxilə etməyə hazır olması kimi qiymətləndiriblər.

Bu iddialar amerikalıların müdaxiləsi ilə Səudiyyə Ərəbistanı ilə Ənsarullah arasındakı danışıqların dayandırıldığı, Ənsarullahın Səudiyyə koalisiyasının Bab Əl-Məndəbdəki hərbi hərəkətlərinə və Amerika qüvvələrinin Qərbi Asiya regionuna daxil olmasına cavab olaraq, donanmasını gücləndirib, yeni raketlərlə təchiz edib və silahlı qayıqları ictimaiyyətə təqdim etdiyi bir vaxtda gündəmə gəlir.

Həmçinin İran da, Əbu Mehdi qanadlı raketlərinin nümayişi və fəaliyyətə başlaması və İslam İnqilabı Keşikçiləri Korpusu dəniz qüvvələrinin son təlimi ilə dəniz müharibəsi də daxil olmaqla istənilən ssenari ilə üzləşməyə hazır olduğunu vurğulayaraq, Fars körfəzinin təhlükəsizliyinin təmin edilməsinin onun və digər region ölkələrinin öhdəsində olduğunu və xarici qüvvələrə ehtiyac olmadığını bildirib.

Ümumiyyətlə, regionda proseslər elə dəyişir ki, Amerika koalisiyası ilə müqavimət cəbhəsi arasında birbaşa toqquşma ehtimalı var.

Daha çox oxuyun: Bab Əl-Məndəb; Ənsarullah və Səudiyyə koalisiyası arasında dəniz müharibəsinin əsas meydanı