Ərdoğan Əsədlə görüşməyə hazırdır, amma Suriyanı tərk etməyə görə deyil!

“İslam Dünyası Xəbərləri” informasiya agentliyi saytının məlumatına görə, Türkiyə prezidenti Rəcəb Tayyib Ərdoğan bu yaxınlarda Suriya prezidenti Bəşər Əsədlə danışmağa hazır olduğunu, lakin Türkiyə qüvvələrinin Suriyadan çıxarılması danışıqlar şərti olduğu təqdirdə, onunla görüşməyəcəyini açıqlayıb.

Türkiyə Suriyanın şimal-qərbində Türkiyə sərhədində əhəmiyyətli ərazilərə nəzarət edən Suriya silahlı qüvvələrinin ən böyük hərbi və siyasi dəstəkçisi olub. Ankara bu ərazilərdə onlarla baza yaradıb və Suriya ordusu və onun digər müttəfiqləri tərəfindən bu ərazilərin azad edilməsinin qarşısını almaq üçün Suriyanın şimalına minlərlə hərbçi yerləşdirib. Türkiyə həm də 2011-ci ildən Suriya hökumətinə qarşı çıxan silahlı qrupların bazası və dəstəkçisi olub.

Son aylarda Suriya Demokratik Qüvvələri (SDQ) ilə döyüşmək bəhanəsi ilə Suriyanın şimal bölgələrində yeni əməliyyatın başlanması ilə bağlı fərziyyələr səsləndi. Fərziyyələrlə eyni vaxtda Türkiyə və Suriyanın müdafiə nazirləri 11 ildən sonra tarixi görüşdə ilk dəfə bir araya gəlib və müzakirələr apardılar. Türkiyə seçkiləri öncəsi Rusiyanın nəzarəti altında aparılan danışıqlar çərçivəsində iki ölkənin xarici işlər nazirləri Moskvada keçirilən görüşdə də görüşüb və müzakirələr apardılar.

Daha ətraflı: Moskvada Rusiya, Türkiyə və Suriyanın üçtərəfli görüşü keçirilib

Suriya ilə Türkiyə arasında gərginlik davam etdiyi halda, ərəb ölkələri Suriya hökuməti ilə münasibətləri normallaşdırmağa çalışır. Türkiyənin cənubunda və Suriyanın şimal-qərbində baş verən son ölümcül zəlzələdən və Çinin vasitəçiliyi ilə Səudiyyə Ərəbistanı (Suriyadakı silahlı qüvvələrin əsas dəstəkçilərindən biri) ilə İran arasında münasibətlərin bərpasından sonra Dəməşqlə əlaqələrin dirçəlişi daha sürətlə baş verir.