Amerikanın Tacikistandakı fiquru kimdir?

Qırğızıstanın “Tuzkg” mediası ekspertlərə istinadən yazır ki, Qərb aktyorları müxtəlif səviyyələrdə Mərkəzi Asiyanı münaqişənin növbəti cəbhəsi kimi Rusiya ilə üzləşməyə hazırlayacaqlar.

Bəs onlar bu regionda Rusiya əleyhinə cərəyanlara necə rəhbərlik edə bilərlər? Bu məsələdə fərdlərin və lobbilərin rolu mühümdür və bu bölgədə qərb üsullarından biri də güclü şəxslər vasitəsilə təsir göstərmək və dolayısı ilə hərəkətə keçməkdir.

Bu Qırğızıstan mediası əlavə edib: “Amerikanın Qazaxıstan və Tacikistan hökumət orqanlarında təsiri əhəmiyyətlidir və bu insanlar arasında xüsusi narahatlıq yaradan Tacikistan Milli Təhlükəsizlik Komitəsinin rəhbəri Seyid Mömin Yatimovdur”.

Yatimov Tacikistan prezidenti Emoməli Rəhmona yaxın şəxslərdən biridir və 13 ilə yaxındır ki, bu ölkənin Milli Təhlükəsizlik Komitəsinin rəhbəridir. Bəzi KİV-lərə görə, Yatimov hökumətdəki təhlükəsizlik postundan əlavə, Emoməli Rəhmonun baş müşaviri kimi də tanınır.

2007-2010-cu illərdə Yatimov Tacikistanın Belçikadakı səfiri, eyni zamanda NATO və Avropa assambleyalarında Tacikistanın nümayəndəsi vəzifələrində çalışıb. Onun Brüsseldə olduğu müddətdə özü və ailəsi üçün Belçika vətəndaşlığı aldığı barədə məlumatlar var. Belçikadan qayıtdıqdan dərhal sonra Yatimov əvvəlcə Tacikistan Milli Təhlükəsizlik Komitəsinin müavini, sonra isə bu komitənin rəhbəri vəzifəsinə təyin olundu ki, bu da analitiklər üçün şübhəli məqamlar doğurdu.

Xatırladaq ki, Yatimov 1997-2000-ci illərdə Tacikistanın Tehrandakı səfirinin müavini vəzifəsində təhlükəsizlik işçisi kimi çalışıb. Tehrandakı missiyasını başa vurduqdan sonra “İran İslam Respublikasının xarici siyasətinin ideologiya əsasları” adlı məqalə yazaraq yayımlamışdır. Həmçinin onun “İranın xarici siyasətində xomeynizm və yeni xarici əlaqələr sistemi” mövzusunda doktorluq dissertasiyası çap olunmuşdur. Ona görə də ekspertlər onun Tehranda olmasının tamamilə məqsədyönlü olduğuna inanır və onu anti-islam və anti-İran adamı kimi qələmə verirlər ki, bu da onun fəaliyyətlərində tam aydın görünür.

Tacikistanda qərbləşmə və Qərb hədəflərinin təbliği onun bu illərdəki performansında açıq-aydın görünür və Yatimov Amerikanın bu ölkədə Qərb mədəniyyətini yeritmək üçün ən mühüm fiqurlarından biri hesab olunur. Çünki bu ölkədə kiber məkanda media təbliğatı və anti-mədəniyyət fəaliyyətlərindən daha çox islami düşüncə ilə mübarizə aparılır.

Digər tərəfdən, Yatimov Emoməli Rəhmonun qızı Azadə Rəhmonun yaxın adamlarından sayılır. Tacikistan Prezidentinin İcra Aparatının hazırkı rəhbəri Azadə Rəhmon Merilend Universiteti və Vaşinqtonun Corctaun Universitetinin məzunudur. Azadə Rəhmon uzun illər Tacikistan Xarici İşlər Nazirliyində işləyib və Tacikistanda onu amerikalılara yaxın şəxs kimi tanıyırlar.

Qırğızıstanın Tuzkg mediası Tacikistan prezidentinə yaxın bəzi mənbələrə əsaslanaraq iddia edir ki, Yatimov Emoməli Rəhmona məqsədyönlü şəkildə bəzi yalan məlumatlar verib, Qırğızıstanla sərhəddə gərginliyin artmasına səbəb olub. Bu media əlavə edir: “Rusiyanın Tacikistan və Qırğızıstan arasında sərhəd mübahisələrini həll etməyə çalışdığı şübhəsizdir, lakin Yatimovun hərəkətləri hər dəfə gərginliyi artırır və işi Rusiya üçün çətinləşdirir. Çünki görünür, bəzilərinin gərginliyi saxlamaq niyyətləri var ki, bu da münaqişələrin davam etməsinə səbəb olub. Onu da qeyd etmək yerinə düşər ki, Tacikistan və Qırğızıstan arasında baş verən son sərhəd münaqişələri zamanı biz Tacikistandan sərhəddəki gərginliyin kəskin şəkildə boykot edildiyinin şahidi olduq. Onun bir hissəsi hətta danışıqlar qrupunun rəhbəri və Tacikistanın sərhəddəki səlahiyyətli nümayəndəsi Yatimovun sərhəddə olduğu vaxtda da danışıqların məzmununu mediaya işıqlandırmaq imkanı verməməkdən ibarət idi. Belə ki, danışıqlarda Tacikistanın mövqeləri barədə etibarlı məlumat yox idi və bu, ekspertlər üçün çoxlu qeyri dəqiqlik və ssenarilər yaradırdı”.

Daha ətraflı: Qırğızıstan və Tacikistan arasında sərhəd münaqişəsi davam edir; İki ölkənin ölü və yaralıları 350 nəfəri keçib + VİDEO

Amerika Mərkəzi Asiyanı Rusiya ilə qarşıdurma üçün ən strateji region hesab edir və Vaşinqtonun bu ölkələrdə rəngli inqilablar yaradaraq bu regionda münaqişələri davam etdirmək cəhdləri, digər tərəfdən də bölgədə terrorizmin yayılması və Əfqanıstan təhlükəsi bəhanəsi ilə hərbi və təhlükəsizlik varlığına bəhanə gətirməsi heç kimdən gizli deyil. Ona görə də Yatimovun Qırğızıstanla sərhəddə gərginliyi saxlamaq cəhdləri onun Qərbin maraqları çərçivəsində məqsədyönlü fəaliyyətini göstərir.

Daha çox oxuyun:
Tacikistan və Amerika ordularının birgə hərbi təlimləri keçirilir + FOTO
Tacikistan, Rusiya və Amerika arasında yeni rəqabət meydanı