Amerika Tacikistanda “Orta Dəhliz” layihəsini gücləndirmək üçün əlindən gələni edir

“İslam Dünyası Xəbərləri” informasiya agentliyi saytının məlumatına görə, ABŞ Beynəlxalq İnkişaf Agentliyi (USAID) Britaniya Logistika və Nəqliyyat Şirkətinin (CILT Central Asia) Mərkəzi Asiya Departamenti ilə birgə Tacikistanda “Orta Dəhliz” layihəsinin təşkili barədə iclasın elanını dərc edib və Mərkəzi Asiya regionunun hər yerindən iqtisadi fəalları bu tədbirdə iştirak etməyə dəvət edib.

“Tacikistanın Ticarət Əlaqələri: Transxəzər Beynəlxalq Nəqliyyat Marşrutunda Orta Dəhlizin Rolu” adlı bu tədbirin 14 iyul 2023-cü il tarixində bu ölkə paytaxtı Düşənbədəki “Hayat” otelində keçirilməsi planlaşdırılır.

Bu tədbirə çağırış mətnində yazılıb: “Bu tədbirin keçirilməsində məqsəd, iştirakçıları yüklərin daşınması üçün alternativ marşrutlarla tanış etmək, Tacikistan ilə Azərbaycan Respublikası, Qazaxıstan, Gürcüstan, Türkmənistan, Türkiyə və Avropa İttifaqı ölkələri arasında ticarət əlaqələrinin genişləndirilməsinə kömək etməkdir. Bu tədbirdə “Transxəzər Dəhlizi” beynəlxalq assosiasiyasının nümayəndələri, Azərbaycan, Gürcüstan, Avropa İttifaqı, Qazaxıstan, Türkmənistan limanlarının nümayəndələri, o cümlədən Tacikistanın və digər iştirakçı dövlətlərin ixracatçıları, biznes sahibləri, aidiyyəti nazirliklər və xarici iqtisadiyyat üzrə fəallarının iştirakı gözlənilir. Tədbir proqramında praktiki daşınma məsələləri, o cümlədən konteyner daşımaları, yükdaşıma xidmətləri, logistika xidmətləri, gömrük və tranzit prosedurları və s. yer alıb”.

Amerika və İsrailin Orta Asiya ölkələrində, o cümlədən Tacikistanda nüfuz imkanlarının genişlənməsinə xüsusi diqqət yetirməsi bir çox cəhətdən vacibdir. Onlar İranın gücünü kontrol etmək və Orta Asiya ölkələri (Şanxay Əməkdaşlıq Təşkilatına üzvlüklə bu ölkələr artıb) ilə iqtisadi mübadilələri artırmaq üçün üç cəhətdən (sərt, yarı sərt və yumşaq) hərəkətə keçiblər. Orta Dəhliz həm də Qərbin beynəlxalq daşımalar sahəsində iqtisadi layihələrindən biri hesab olunur. Bu da onların anti-İran və anti-Rusiya fəaliyyətlərinin başında dayanır.

Daha çox oxuyun: Orta Dəhliz; Türkiyənin Çinə qoşulması planı!