Ukrayna – Xarici muzdluların olduğu yer!

Rusiya qüvvələrinin Ukraynanın müxtəlif bölgələrində irəliləməsi və Ukrayna qüvvələrinin ruslara qarşı çıxarılmasından sonra qərblilər Rusiyaya qarşı geniş sanksiyalar, beynəlxalq təzyiqlər, irimiqyaslı hərbi yardım, kəşfiyyat və media dəstəyi göndərməklə, həmçinin Rusiyanın irəliləməsinin qarşısını almaq üçün özəl hərbi şirkətlər vasitəsilə Ukraynaya qoşun göndərmək kimi fikirə düşüblər.

Ukraynalılar müxtəlif ölkələrin silah dəstəyinə baxmayaraq, Qərbin gözləntilərini doğrultmadı və Rusiya hərbçilərinin qarşısını almaqda böyük naliyətlər əldə edə bilmədi. Qərb rəsmilərinin sözlərinə görə, Ukraynaya silah göndərilməsi prosesi davam edəcək və bu ölkəyə daha çox silah göndəriləcək. Görünür, qoşunların Ukraynaya yeridilməsi bağışlanan silahlarla tanış olan ixtisaslaşmış kadrların, eləcə də Ukrayna ordusunun döyüş qüvvələrinin rəhbərliyinin olmaması ilə bağlıdır.

“Ukrayna hərbçilərinin mühasirəyə alınmasından və Rusiya silahlı qüvvələrinin onların mövqelərinə hücumundan sonra Qərb ölkələri münaqişə zonalarına muzdluların və özəl hərbi şirkətlərin yerləşdirilməsini artırıb”, – Rusiya Müdafiə Nazirliyi bildirib. Ukraynaya daxil olan xarici muzdlular Rusiyanın texnika və təchizat kalonlarına, həmçinin Rusiya təyyarələrinə təxribat törədir və onlara hücum edirlər. Xalqın rus karvanlarına qarşı müqaviməti kimi dərc olunan görüntülər də elə bu qüvvələrin işidir.

Rusiya Müdafiə Nazirliyi əlavə edib: “Xarici muzdluların bütün hücumları Qərbin Ukraynaya verdiyi silahlardan istifadə etməklə həyata keçirilir. Söhbət tank əleyhinə “Javelin” (ABŞ istehsalı), NLOW (Böyük Britaniya istehsalı) və digər hərbi təchizatlardan gedir ki, onların istifadəsi ciddi təlim tələb edir. “ABŞ hərbi kəşfiyyat xidməti özəl hərbi şirkət PMC, DynCorp, Cubic üçün podratçılar cəlb etmək və onları Ukraynaya göndərmək üçün geniş addımlar atıb”.

Rusiya Britaniya, Danimarka, Latviya, Polşa və Xorvatiyadan olan insanların da iştirakının mümkünlüyünü açıqladı, çünki bu Avropa ölkələrinin hökuməti qanuni olaraq öz vətəndaşlarına Ukrayna torpaqlarında döyüşlərdə iştirak etməyə icazə verib! Fransa həmçinin Ukrayna əsilli xarici qüvvələrdən və ya Fransa xarici legionlarından (qeyri-fransalı qüvvələrdən) ibarət ordu təşkil etməyi və onları Ukrayna hökumətinə kömək etmək üçün Kiyevə göndərməyi planlaşdırır.
Müvafiq olaraq, Ukrayna prezidenti Zelenski bu yaxınlarda bildirib ki, Ukrayna silahlı qüvvələrinin hərbi məğlubiyyətlərini kompensasiya etmək üçün Ukraynaya orada olanlardan əlavə 16 minə yaxın xarici muzdlu əsgər gəlməlidir.

“Təkcə ötən həftə 200-ə yaxın xorvat muzdlusu Polşa üzərindən Ukraynaya daxil olub və cənub-şərqdə yerləşən Ukrayna ordusu batalyonuna qoşulub”, – Rusiya Müdafiə Nazirliyinin bəyanatında deyilir. Buna görə də bu gün Xorvatiyanın Moskvadakı səfirliyində yerləşən müdafiə məsələləri ilə məşğul olan məmur Rusiya Müdafiə Nazirliyinə çağırılıb və bununla bağlı xəbərdarlıq edilib.
2015-ci ildə Ukraynanın cənub-şərqindəki əməliyyatlarda da iştirak edən Xorvatiya vətəndaşı Denis Şeller; O, Ukraynaya göndərilmək üçün xorvatiyalı muzdlulardan ibarət qruplar təşkil edib. Xorvatiya səfirliyinin müdafiə qrupuna 200-ə yaxın xorvat muzdlu əsgərin Ukraynaya gəlməsi ilə bağlı xəbərdarlıq edilib. “Biz vurğulayırıq ki, Qərbin Kiyev hökumətinə yardım üçün göndərdiyi muzdluların heç də hamısı beynəlxalq hüquqa görə hərbi qüvvə sayılmır”.

Hər halda, Ukraynada xarici muzdluların olması yalnız müharibəni uzadacaq və bu ölkənin dağıntılarını artıracaq. Görünən odur ki, indiki vəziyyət belə davam edərsə, Ukrayna da Qərb dövlətlərinin uzun illərdir Qərbi Asiya və Afrikada apardığı və qızışdırdığı müharibələrin aqibəti ilə üzləşəcək.