Vladimir Zelenski: Hücumlara başlamaq üçün bizə daha çox vaxt lazımdır

Ukrayna prezidenti Vladimir Zelenski İngiltərənin BBC kanalına müsahibəsində Ukraynanın Rusiyaya qarşı iri miqyaslı əməliyyat keçirmək niyyəti ilə bağlı suala cavabında deyib: “Ukrayna işğal olunmuş əraziləri geri qaytarmaq üçün daha çox zirehli maşın göndərilməyənəcən əks əməliyyat keçirməkdən imtina edəcək. İndi bizə daha çox vaxt lazımdır. İndi əlimizdə olanlarla biz irəli gedə və uğur qazana bilərik. Amma çoxlu itkilərimiz olacaq və hesab edirəm ki, bu, məqbul deyil”.

Ötən aylarda Ukrayna ordusu Avropa ölkələrindən MiQ-29 qırıcıları, hərbi helikopterlər və Leopard tankları da daxil olmaqla çoxlu texnika və silahlar alıb, lakin bu silahların bəzilərinin sayı hücum əməliyyatlarına başlamaq üçün kifayət etmir və zirehli avtomobillər və digər vəd edilmiş silahlar hələ ukraynalılara çatmayıb.
Ukraynadakı münaqişələrin nisbi səngiməsi və həmçinin son aylar Rusiya ordusunun irəliləmək və qabağa getmək istəməməsi səbəbindən müharibə mühüm məqama çatıb; Çünki Ukrayna şərq rayonlarını geri almaq üçün əməliyyat keçirməyə hazırlaşır və ordu toplayır. Lakin Ukrayna əməliyyatının bu mərhələsinin prosesi kifayət qədər avadanlığın olmaması səbəbindən problemlərlə üzləşib. ABŞ Müdafiə Nazirliyindən sızan sənədlərdə bu barədə də danışılır və Donbass bölgəsindəki döyüşün 2023-cü ilin sonuna qədər dalana dirənəcəyi proqnozlaşdırılır.

Daha çox oxuyun: Zaporojyada döyüşləri bərpa etmək üçün Ukrayna kütləvi hücumlara hazırlaşır