Talibanın Qəndəhardakı qubernatoru Molla Şirin Axund kimdir? + FOTO və VİDEO

Taliban qruplaşmasının lideri Molla Həbtullah Axundzadə mayın 4-də Taliban qruplaşmasının keçmiş lideri və qurucusu Molla Məhəmməd Ömər Mücahidin müdafiə zabiti Molla Şirin Axund kimi tanınan Molla Məhəmməd Əli Hənəfini Talibanın Qəndəhar vilayətinə yeni qubernator təyin edib. Molla Şirin Axundun Qəndəharda Talibanın yeni qubernatoru vəzifəsinə təyinat mərasimi Talibanın Həqqani şəbəkəsinin lideri Siracuddin Həqqani də daxil olmaqla, bir çox dövlət rəsmiləri və Talibanın ruhani liderlərinin iştirakı ilə keçirilib.

Taliban liderinin bu qərarı 2023-cü il martın 11-də Moləvi Məhəmməd Yusif Vəfanın Bəlx vilayətinə Taliban valisi vəzifəsinə təyin edilməsindən və Taliban hökumətini qorumaq üçün Qəndəhar vilayətində 40 minlik ordunun formalaşmasından sonra verilib. Molla Şirin Axund Molla Həbtullahın yaxın və etibarlı adamlarından biridir və malik olduğu güclə Əfqanıstanın cənubuna nəzarət edə bilər, siyasi və hərbi gərginliklərdə Həqqani şəbəkəsi və Talibanın digər qrupları ilə qarşı-qarşıya qala bilər.

Molla Şirin Axund kimi tanınan Molla Məhəmməd Əli Hənəfi Qəndəhar əyalətinin Jari şəhərindəndir və Əfqanıstanın Təhrik-e-Taliban lideri və qurucusu Molla Məhəmməd Ömər Mücahidin yaxın dostudur. O, 1997-ci ildən 2001-ci ilə qədər onu və ailəsini qorumaq üçün məsuliyyət daşıyırdı. Molla Şirin Axund 2001-ci ildə ilk Taliban hökumətinin süqutundan sonra Pakistana qaçıb və eyni zamanda Pişavər şurasında Taliban rəhbərliyi şurasının üzvü kimi Taliban Müdafiə Nazirliyində kəşfiyyat bölməsinin məsul müavini vəzifəsində çalışıb.

Qəndəhar vilayətində keçmiş Əfqanıstan hökumətinin təhlükəsizlik qüvvələrinin komandanı general Əbdül Rəzzaq Açakzaiyə qarşı sui-qəsd əməliyyatının planlaşdırılması Molla Şirin Axundun keçmiş Əfqanıstan hökuməti və beynəlxalq koalisiyaya qarşı 20 illik cihadında əldə etdiyi ən mühüm nailiyyətlərdən biridir. Belə ki, 2018-ci il oktyabrın 18-də bu şəxs Əfqanıstandakı Amerika terror ordusunun komandanı general Skot Millerin iştirak etdiyi toplantıda Qəndəhar valiliyində Taliban agenti tərəfindən öldürülüb.

Ümumiyyətlə, Molla Şirin Hənəfinin Talibanın mənəvi paytaxtı və Molla Həbtullahın qərargahı olan Qəndəhar valiliyinə təyin edilməsi tamamilə bir təhlükəsizlik tədbiridir və Taliban liderinin bu qruplaşmanın fraksiyaları arasında daxili ixtilafların dərinləşməsindən qorxusunu ifadə edir. Bundan əlavə, Əfqanıstanda xarici dronların ara-sıra hücumları davam edir və Talibanın üçüncü liderinin hökuməti üçün ciddi təhlükə ola bilər. Çünki Talibanın keçmiş lideri Molla Əxtər Məhəmməd Mənsur da eyni şəkildə Taliban hökumətindən uzaqlaşdırılmışdır.

Daha çox oxuyun: İnfoqrafik: Əfqanıstanda Taliban mövqeləri əleyhinə olan hava hücumları