Rusiyada Kreml Sarayına naməlum dronlar hücum edib + VİDEO

Rusiya Prezident Sarayının bəyanatına görə, iki kamikadzenin hücumu Rusiyanın elektron müharibə sistemlərinin vaxtında hərəkətə keçməsi ilə qarşısı alınıb və bu ölkənin prezidenti Vladimir Putinin sui-qəsd planının qarşısı alınıb.

Bu hücum çərşənbə axşamı, mayın 2-də axşam saatlarında həyata keçirilib və tələfat və dağıntı olmayıb. Həmçinin, bu dronların qalıqları Kreml Sarayının ərazisinə düşüb.

Kreml də elan edib: “Rusiya bu hücumu planlaşdırılan terror aktı hesab edir. Biz Kiyevin Kremlə hücum cəhdlərinə cavab vermək hüququnu özümüzdə saxlayırıq”.

Bu hücumdan sonra Moskva meri Sergey Sobyanin dünən, çərşənbə günündən etibarən bu şəhərin səmasında dronlardan istifadənin qadağan ediləcəyini açıqlayıb. Dövlət orqanlarının qərarı ilə istisnalar da mümkün olacaq.

Qeyd edək ki, Ukrayna prezidenti Vladimir Zelenski dünən axşam saatlarında bəyan etmişdi ki, Kiyev Putinin iqamətgahına və ya Moskva şəhərinə hücum etməyib. Amma Rusiya hakimiyyəti və mediası barmağını Ukraynaya tuşlayıb. Bəzi analitiklər də iddia edirlər ki, bu cür hücumlar ABŞ və ya NATO tərəfindən Rusiya ilə Ukrayna arasında münaqişəni alovlandırmaq üçün edilir.
BMT baş katibi sözçüsünün müavini Fərhan Haq, Rusiya və Ukrayna hakimiyyətinin Kreml Sarayına dron hücumu ilə bağlı iddia və bəyanatlarını təsdiqləməyərək, təşkilatın tərəflərdən hər hansı ritorika və hərəkətlərdən çəkinmələrini tələb etdiyini bildirib.

Bir ölkənin ən mühüm diplomatik yerlərinə hücum son onillikdə müharibələr tarixində görünməmiş bir hadisədir. Rusiyanın yüksək rütbəli rəsmilərinin Ukraynanın bu ölkə ərazisinə etdiyi hücumlara ciddi reaksiyasına görə, rusların Ukrayna ərazisinə, xüsusən də Kiyev şəhərinə ağır hücumlar həyata keçirəcəyi gözlənilir.