Qarabağda Rusiya sülhməramlı qüvvələrinin yeni komandanı təyin edilib
“İslam Dünyası Xəbərləri” informasiya agentliyi xəbər verir ki, Rusiya sülhməramlı qüvvələrinin komandanı Andrey Volkov vəzifəsindən geri çağırılır və onun yerinə digər hərbi müşavir təyin olunub.
Bu barədə Ermənistan KİV yazır. Məlumata görə, artıq kontingentin yeni komandanı da məlumdur.
General-polkovnik rütbəli hərbçi iddialara görə, ərazidə yaranmış vəziyyətin nizamlanması məqsədilə təyin olunub.
Məlumata görə, Rusiya sülhməramlı qüvvələrinin komandanı Andrey Volkovu Aleksandr Lentsov əvəz edəcək.
Bu barədə “Sputnik Ermənistan”ın Rusiya Müdafiə Nazirliyindəki mənbəsi məlumat verib.
Qeyd edək ki, vaxtilə Lentsov Rusiya Hərbi Hava Qüvvələri Komandanının müavini (2009-2013), Quru Qoşunlarının Ali Baş Komandanının müavini (2013 – 2020) olub. General-polkovnik 2020-ci ildən Rusiya Müdafiə nazirinin müşaviridir. O, həmçinin Çeçenistan və Suriyadakı hərbi əməliyyatların iştirakçısı olub.
Rəy