Nəsrullah: “İran və Səudiyyə Ərəbistanı arasında razılaşmanın regiona ciddi təsiri var”.

Seyid Həsən Nəsrullah çıxışının əvvəlində Beyrutda Beynəlxalq Qüds Günü ilə bağlı anım mərasimində iştirak edən insanlara təşəkkür edib, İmam Məhəmməd Baqir Sədr və bacısının şəhadətinin ildönümü münasibətilə başsağlığı verib və son illərdəki sionist rejimin təcavüzlərinə, Livan xalqının, ordusunun və müqavimətin qəhrəmancasına apardığı mübarizələrə işarə edib.

Nəsrullah daha sonra deyib: “Qüds günü dünyanın şərəfli xalqının Fələstin və onun məzlum xalqı ilə həmrəylik günüdür. Qüds günü Fələstin xalqına dəstək mesajıdır. Yəni sən tək deyilsən. Beynəlxalq Qüds Günündəki həmrəylik, düşmənə mesaj verir, onların narahatlığını və qorxusunu ikiqat artırır. Bu günü biz əminliklə qeyd edirik və özümüzü təhlükəsiz, güclü və şərəfli hiss edirik, lakin dünən İsrail rejimi bütün cəbhələrdə hazırlıq vəziyyətini elan edərək ətraf ölkələrə qarşı boş təhdidlər səsləndirdi. Qüds günü hər kəsə Fələstinə qarşı məsuliyyətini xatırladan bir gündür və heç kim bu məsuliyyətdən yayınmamalıdır. Bu əlamətdar iştirak ilə bugünkü mesaj mühüm və çox güclü mesajdır”.

Hizbullahın baş katibi bəyan edib: “Düşmən bütün cəbhələrdə hazırlıq vəziyyətini elan etdi və narahat idi, lakin müqavimət cəbhəsi sakit vəziyyətdə idi. Keçən il qlobal və regional miqyasda, eləcə də Fələstin xalqı üçün böyük dəyişikliklər baş verdi. Qlobal arenada Amerikanın gücü zəiflədi və bu ölkə artıq əvvəlki illərdə və onilliklərdə olduğu kimi güclü deyildi. Amerikanın zəifləməsinin ilk sübutu iqtisadi və siyasi blokadadan sonra Venesueladan geri çəkilməyə məcbur olmalarıdır. İkinci sübut onların Əfqanıstandakı uğursuzluğudur”.

Seyid Həsən çıxışının başqa bir hissəsində dedi: “Amerikalılar israillilərə deyirlər ki, bizim prioritetimiz Ukrayna və Tayvandır. Amerika müharibə cəbhələrində məşğul olanda və artıq dünyada yeganə güc olmadıqda, bu, strateji baxımdan sionist rejiminə kölgə salır. Bu beynəlxalq dəyişikliyin müqavimət cəbhəsi üçün müsbət faydaları, İsrail rejimi üçün isə mənfi nəticələri var. Münasibətlərin normallaşması Amerikanın istəyi və təzyiqi ilə baş verdi və bəzi sionist rəsmilərin yalan danışdığı kimi olmadı. Ötən illər ərzində ayrı-ayrı bölgələrdə müqavimətin dağılması məsələsini hesablamaq tamamilə iflasa uğrayıb”.

Seyid Həsən Nəsrullah həmçinin bildirib: “Suriya ilə ərəb ölkələri arasında siyasi əlaqələrin bərpası və Türkiyənin Dəməşqlə əlaqələrini bərpa etmək səyləri mühüm hadisələrdəndir. İlk gündən birlikdə olduğumuz Yəmən müsbət inkişaflara şahidlik edir. Yəməndə və Səudiyyə Ərəbistanında müsbət atmosfer gördük və bu, bizi nikbin və xoşhal etdi. Ənsarullahın (Allah onu qorusun) cəsur və uzaqgörən lideri Seyid Əbdülməlik Bədruddin Əl-Husi ilk gündən Yəmənin müdafiəsindən danışıb. Xalq qarşısında cavab verməli olan şəxs o kəsdir ki, böyük məqsədlər açıqlayıb, regionda və Yəməndə onların heç birinə nail ola bilməyib. Biz İraq xalqına, Həşd-Şəəbi və onun müqavimət cəbhəsinə çox ümid edirik. Biz Əlcəzairin Fələstin məsələsində əsas rolunu və İsrail nümayəndə heyətini Afrika Sammitindən qovmasını yüksək qiymətləndiririk”.

Seyid Həsən Nəsrullah daha sonra İran və Səudiyyə Ərəbistanı arasındakı razılaşmaya işarə edərək dedi: “İran və Səudiyyə Ərəbistanı arasındakı razılaşmanın regiona əhəmiyyətli təsiri var və əlaqələrin (İsraillə) normallaşması prosesini ləngidəcək. Yəni İsrailin korrupsioner və cinayətkar kabinetinin axmaq hərəkətlərinin ləngiməsinə kömək etdiyi bir proses. İsrailin və Fars körfəzi ətrafındakı ərəb ölkələrinin dəstəyi ilə Amerikanın İranla müharibəsinə ümid etmək uğursuzluğa düçar oldu. Müqavimətin əsl dəstəkçisi imam Seyid Əli Xameneinin başçılığı ilə İrandır, ona görə də onlara sanksiya qoyulub, onlara qarşı birləşmələr yaradılıb”.

Nəsrullah deyib: “Düşmən rejiminin məhkəmə islahatları Netanyahunun başlatdığı çökmə müharibəsidir. Amerikanın müdaxiləsi olmasaydı, bu müharibə qanla bitə bilərdi və bu mərhələyə çatmaq üçün heç nə qalmamışdır. Sionist rejim boyu partiya səviyyəsində bir neçə parçalanma baş verdi və hətta bu, investorlar, tacirlər, ordu, hərbi hissələr və ehtiyat qüvvələr arasına çatdı. Sionist rejim üçün döyüş və fədakarlıq ruhu xeyli azalıb və bu rejimə inamı bərpa etmək üçün edilən bütün səylər uğursuzluğa düçar olub”.

Seyid Həsən əlavə edib: “Bu yaxınlarda Cənubi Livanda baş verənlər 2006-cı ildən bəri mövcud olan vəziyyəti nəzərə alsaq, mühüm və böyük hadisə idi. Keçən həftə danışmadım, çünki məsələnin reallığı araşdırma və qardaşlarla məsləhətləşməni tələb edirdi. Hizbullahın müharibəni idarə etmə strategiyasının bir hissəsi kimi susqunluq siyasətini mənimsəməsi daha yaxşıdır və həmçinin düşməni də mütləq narahat edir. Sükut siyasəti həmçinin dostları da narahat edə bilər; Ancaq dostların narahatlığına gəldikdə, demək lazımdır ki, bu, onların müharibə üçün fədakarlıqlarının bir hissəsi olmalıdır. Narahat və qorxulu qalmalı olan düşməndir”.

Hizbullahın baş katibi deyib: “Heç kim təcavüzkar düşmənə rahatlıq verməməlidir. Bu çəkindirmə tarazlığını və döyüş qaydalarını möhkəmləndirdiyi halda biz niyə düşməni sakitləşdirməliyik? Netanyahunun özünün etirafı ilə Livanı güzəştlər və neft və qaz hüquqlarının verilməsi məsələsində qoruyan, münaqişə və çəkindirmə qaydalarını qorumaq idi. Livanlıları təhdid edən və Suriyaya hücum edən düşmən narahat və titrək qalmalıdır. Məhz bu çəkindirmə balansı İsrailin cavabını məhdudlaşdırdı və gülünc etdi. Netanyahunun söylədiyi ən mühüm yalan Hizbullah və Həmas hərəkatlarının infrastrukturunu hədəf almaları idi, bu yalan göz qabağında idi və bütün medialar, onların hədəfə aldıqları yerləri lentə aldı. Yalnız açıq yeri vurmuşdular. Sionist düşmən Hizbullahın heç bir infrastrukturunu hədəfə almayıb, sadəcə banan bağlarını hədəfə alıb”.

Hizbullahın baş katibi çıxışının başqa bir hissəsində deyib: “İordan çayının qərb sahili səbri, sabitliyi və möhkəmliyi ilə Qüdsün qalxanıdır. İordan çayının qərb sahilini dəstəkləmək təkcə mənəvi və siyasi dəstək deyil, həm də onlara maddi dəstək verilməlidir və hamımız bunun üçün çalışmalıyıq. İordan çayının qərb sahilinə silah çatdıra bilən hər kəs bunu etməlidir və bu, hər kəsin məsuliyyətidir. İordan çayının qərb sahilini elə dəstəkləməliyik ki, onları möhkəm və azadlığa öndər etsin”.

Nəsrullah sonda sionist rejimə xəbərdarlıq edib və deyib: “Sizin hesablamalarınız, hərəkətləriniz və Qüds və ya İordan çayının qərb sahili, Qəzza və ya Livan və ya Suriyadakı axmaq addımlarınız regionu böyük müharibəyə sürükləyə bilər. Netanyahu deyir ki, “görəcəyik”, Livan müqaviməti də ona deyir ki, görəcəyik. Düşmən döyüş meydanlarını bir neçə yerə bölərək Qəzza zolağı və İordan çayının qərb sahilini öz hərəkətlərinə həsr edir və döyüş qaydalarının həmin yerlərdə yerində olduğunu deyir. Düşmənə deyirəm ki, bu oyun təhlükəlidir, ehtiyatlı ol, çünki Qüds qırmızı xəttdir. Onlar İrana hücum etməkdən daha çox qorxaqdılar. Biz 2000-ci ildə müharibədə qalib gələn Livandan İmam Xomeyni və İmam Xamenei və bütün müsəlman və xristian liderləri ilə birlikdə deyirik ki, Fələstinin yanındayıq və təslim olmayacağıq”.