Sionist rejim əsgərləri Əl-Əqsa məscidinə basqın edib + VİDEO

İsrail rejimi dünən 26 mart tarixində mülki itaətsizliyi ehtimalını bəhanə edərək, Məscidül-Əqsaya basqın edərək, Ramazan ayında bu müqəddəs məkanda itikaf və namaz qılan bir neçə fələstinlini həbs edib. Sionistlərin Məscidül-Əqsaya basqını ilə eyni vaxtda İsrail dronları da Qüds şəhərinin səmasında, xüsusən də Məscidül-Əqsa ətrafında uçuşlar həyata keçirib.

İsrail əsgərləri də fələstinlilərin Məscidül-Əqsaya daxil olmasına mane olub və fələstinlilərə qarşı vəhşi hərəkətləri lentə almağa çalışanların mobil telefonlarını müsadirə edib.

Bununla bağlı Məscidül-Əqsa xətibi Şeyx İkramə Səbri də hücuma reaksiya verərək deyib: “İşğalçı İsrail rejimi Məscidül-Əqsaya qarşı çılğın kampaniyaya başlayıb və orada Allaha ibadətlə mübarizə aparır və onu zəvvarlardan boşaldır”.

İşğal olunmuş Qüdsdəki Fələstin Həmas Hərəkatının sözçüsü Məhəmməd Həmmadə də xəbərdarlıq edib:

“Məscidül-Əqsada namaz qılmaq və etikaf etmək xalqımızın haqqıdır ki, bu haqq hər zaman hər vasitə ilə müdafiə olunur və nə işğalçıların təzyiqi və hədə-qorxuları, nə də başqalarının aldadılması Əl-Əqsada etikafa mane ola bilməz. Sionist rejimin mübarək Ramazan ayının bu vaxtında Əl-Əqsada ibadət edənlərə hücumu və onlara hörmətsizlik etməsi ibadət azadlığına qarşı cinayət və ibadət edənlərə və müqəddəs məscidə ardıcıl hücumların bir hissəsidir”.

Qeyd edək ki, İsrail mediası İsrailin daxili təhlükəsizlik naziri İtmar Bin Qafirin bu rejimin polisinə Məscidül-Əqsaya hücum etməyi və zəvvarları zorla oradan çıxarmağı əmr etdiyini yazıb. Bu hərəkət dünən bazar günü sionistlərin bu məscidə kütləvi basqınına zəmin hazırlamaq məqsədilə atılıb.