ABŞ müdafiə naziri Kürdüstan bölgəsinin rəsmiləri ilə görüşüb + FOTO

ABŞ müdafiə naziri Lloyd Ostin martın 7-də İraqın Kürdüstan bölgəsinin sədri Neçirvan Bərzani ilə görüşüb və danışıb. Bu görüşdə ABŞ-ın İraq və Kürdüstan bölgəsi ilə əlaqələri, təhlükəsizlik vəziyyəti və terrorla mübarizə ilə bağlı son hadisələr, Ərbil və Bağdad arasındakı problemlər, Kürdüstan bölgəsinin daxili vəziyyəti və peşmərgə qüvvələrinin koordinasiyası müzakirə edilib. Həmçinin İraq ordusunun və Peşmərgə qüvvələrinin İŞİD-lə mübarizədə oynadığı rolu yüksək qiymətləndirən ABŞ müdafiə naziri ölkəsinin İraq və Kürdüstan bölgəsinə dəstəyini vurğulayıb.

Bu görüşün mühüm hissəsində İraq və Kürdüstan bölgəsinin qonşu ölkələrlə əlaqələri, İran İslam Respublikası ilə bağlı məsələlər, regionda baş verən son hadisələr və tərəflər üçün vacib olan digər məsələlər müzakirə edilib.

Bu görüşün davamında ABŞ müdafiə naziri İran silahlı qüvvələrinin Kürdüstan bölgəsindəki bölgələrdə terrorçu qrupların mövqelərinə qarşı son hücumlarını tənqid edib və bu hücumları pisləyib.

Lloyd Ostin Kürdüstan Demokratik Partiyasının sədri Məsud Bərzani ilə də görüşüb və söhbət edib. ABŞ müdafiə naziri ilə görüşdən sonra Bərzani Lloyd Ostinlə bəzi məsələləri, o cümlədən federal hökumətlə əlaqələrini və Ərbil və Bağdadın hər iki tərəfin xeyrinə olan razılaşma əldə etmək üçün davamlı səylərini müzakirə etdiyini bildirib.

Qeyd edək ki, ABŞ-ın müdafiə naziri martın 7-da öncədən elan olunmamış səfərlə Bağdada daxil olub və İraqın baş naziri Məhəmməd Şəyya Əl-Sudani ilə görüşüb və bəzi məsələləri, o cümlədən İraq və ABŞ arasında birgə əməkdaşlıq, eləcə də İraq təhlükəsizlik qüvvələrinin döyüşdəki performansı, terrorizm və İŞİD terror qruplaşması ilə mübarizə haqda danışıb.