Suriyada baş verən son hadisələr, 1 Fevral 2023

1- Hələb:
Yanvarın 28-də Suriya ordusu Hələbin qərbində yerləşən Əl-Qəsr və Kəfərəmə kəndlərindəki terrorçuların mövqelərini artilleriya zərbələri ilə hədəfə alıb.

2- İdlib:
Yanvarın 30-da İdlibin cənubunda yerləşən Kansafra və Əl-Futaira məntəqələrindəki terrorçuların mövqeləri Suriya ordusunun artilleriya hücumu ilə hədəfə alınıb.

3- Dəraa:
– Yanvarın 30-da Suriya təhlükəsizlik qüvvələrini daşıyan avtobusun Dəraa əyalətinin Xərbət Qəzalə qəsəbəsi yaxınlığında yol kənarına qoyulmuş bombanın partlaması nəticəsində 15 suriyalı hərbçi yaralanıb, onlardan 7-nin vəziyyəti ağırdır. Xəsarət alanlardan birinin aldığı xəsarətin ağırlığından şəhid olduğu bildirilir.
– Yanvarın 29-da Dəraa şəhərinin poçt şöbəsi yaxınlığında bomba yüklü motosiklet aşkar edilib və Suriya ordusunun mühəndis qüvvələri tərəfindən zərərsizləşdirilib.
– Yanvarın 27-də naməlum silahlı ünsürlərin Suriya ordusunun Dəraaətrafı məntəqədəki nəzarət-buraxılış məntəqəsinə hücumu nəticəsində iki suriyalı əsgər şəhid olub.

4- Deyr əz-Zor:
– Yanvarın 29-da yerli vaxtla saat 22:15-də naməlum pilotsuz təyyarələr (ehtimal ki, Amerika koalisiyasına aiddir) xəbərdarlıq atəşi açdıqdan sonra sərhəddəki Əl-Bukamal şəhərinin kənarında ən azı iki raket atmaqla altı yük maşınından ibarət karvanı hədəfə alıb. Hücum zamanı ən azı dörd yük maşını ciddi ziyan görüb.
– Yanvarın 30-da sərhəddə yerləşən Əl-Bukamal şəhərinin kənarında 12 yük maşınından ibarət karvan naməlum hava təchizatlarının hücumuna məruz qalıb, nəticədə bütün yük maşınları zədələnib, bir neçə nəfər yaralanıb. Həmçinin, naməlum hava təchizatları Əl-Bukamal şəhərinin kənarında yerləşən Əl-Suveyəə məntəqəsində müqavimət qüvvələrinin qərargahı yaxınlığındakı hədəfləri hədəfə alıb və bu hücum yalnız maddi ziyanla nəticələnib.

5- Raqqa:
– Yanvarın 26-da Suriya Demokratik Qüvvələri (SDQ) İŞİD terror qruplaşmasının Raqqa valisi və Raqqa şəhəri və ətraf ərazilərdə İŞİD-in daha 68 üzvünün “Raqqa şəhidlərinin İntiqamı” əməliyyatının ilk günündə həbs edildiyini açıqlayıb.
– Yanvarın 28-də Türkiyənin dəstəklədiyi terrorçular artilleriya hücumları ilə M4 magistralını və Eyn-İsa şəhərinin ətrafını hədəfə aldılar.
– Yanvarın 29-da Rəssafə məntəqəsində Suriya ordusuna məxsus avtomobilin yolunda yol kənarına qoyulmuş bomba partlayıb. Bu hadisə nəticəsində ölənlər barədə məlumat yoxdur.
– Yanvarın 30-da Eyn-İsa şəhəri ətrafında Suriya Demokratik Qüvvələrinin (SDQ) maşınının yolunda yol kənarına qoyulmuş bombanın partlaması nəticəsində SDQ-nin “Məzkin Butan” adlı cəbhə komandirlərindən biri həlak olub.

6- Həsəkə:
Yanvarın 29-da Amerika koalisiya qüvvələri Əl-Şəddadi şəhərinin ətraf ərazilərində patrul xidməti həyata keçirib.

7- Yanvarın 29-da sionist rejim qüvvələri Suriyadan Colan sərhəd hasarına yaxınlaşan iki suriyalıya atəş açdılar və bu hadisə zamanı bir nəfər yaralanıb, bir nəfər də şəhid olub.

8- Yanvarın 30-da Rusiya xarici işlər naziri Sergey Lavrov misirli həmkarı Sameh Şükri ilə birgə mətbuat konfransı zamanı Rusiyanın iştirakı və vasitəçiliyi ilə İranın Türkiyə-Suriya münasibətlərinin normallaşdırılması prosesinə qoşulması ilə bağlı ilkin razılaşmanı açıqlayıb.

9- Yanvarın 31-də Türkiyənin Müdafiə Nazirliyi “Sülh Çeşməsi” adlı əməliyyat bölgəsində Suriya Demokratik Qüvvələrinin (SDQ) üç üzvünün həlak olduğunu açıqladı.