Suriyanın Ət-Tənəf məntəqəsindəki Amerika bazasına dron hücumu oldu + FOTO

Yanvarın 20-də Homs əyalətindəki Ət-Tənəf məntəqəsində yerləşən Amerika bazasına naməlum şəxslər tərəfindən kamikadze dronlarla hücumu olub, bu zaman Azad Suriya Ordusundan (Məğavir Əl-Səvrə) iki nəfər yaralanıb. Qeyd edək ki, “Azad Suriya Ordusu” terrorçuları Ət-Tənəf məntəqəsində Amerika işğalçı qüvvələri ilə ortaq hərbi bazaya malikdir.

Bununla əlaqədar olaraq, ABŞ-ın Qərbi Asiyadakı terror qərargahı (CENTCOM) Ət-Tənəf bazasına dron hücumunu təsdiqləyən bəyanat yayıb və elan edib:

Ət-Tənəf bazası üç dron ilə hücuma məruz qalıb, onlardan ikisi vurulub, biri isə bu bazaya düşüb. Amerika qüvvələrinin heç birinə zərər dəyməyib, lakin Azad Suriya Ordusu qüvvələrindən ikisi yaralanıb.

Azad Suriya Ordusu terrorçuları da şəkillər dərc edərək Ət-Tənəf bazasındakı tibb mərkəzinin dron hücumuna məruz qaldığını və ona ciddi ziyan dəydiyini iddia edib.

Hələlik heç bir qrup bu hücuma görə məsuliyyəti öz üzərinə götürməyib. Lakin müqavimət qüvvələrinin Ət-Tənəf bazasındakı Amerika koalisiyasının və Azad Suriya Ordusu terrorçularının mövqelərinə hücumlarının keçmişini nəzərə alsaq, bu hücumun müqavimət dəstələri tərəfindən həyata keçirildiyini ehtimal etmək olar.

Xatırladaq ki, avqustun 15-də Amerika silahlı qüvvələrinin və əsgərlərinin Ət-Tənəf bazasındakı mövqeləri İraqın “Beynəlxalq Müqavimət” dəstəsinin dron hücumu ilə hədəfə alınmışdır. Suriyanın cənub-şərqindəki Ət-Tənəf məntəqəsi illərdir Amerika qüvvələri tərəfindən işğal olunub və Suriya ordusu və müqavimət qüvvələrinə bu ərazinin 55 kilometr radiusuna yaxınlaşmağa icazə verilmir.

Daha çox oxuyun: İraq müqavimət dəstələri Suriyanın cənubundakı Ət-Tənəf Amerika bazasına dron hücumu ediblər + FOTO