İraqda baş verən son hadisələr, 17 Yanvar 2023

1- Bağdad:
– Yanvarın 11-də İraqın Kürdüstan bölgəsinin baş naziri Məsrur Barizani Bağdadda İraqın baş naziri Məhəmməd Şəyya Əl-Sudani ilə görüşüb və müzakirələr aparıb. Bu görüşdə, ölkənin hər yerində İraq xalqına daha yaxşı xidmət göstərmək üçün hökumətlə Kürdüstan bölgəsi arasında ən mühüm milli məsələlərlə yanaşı, əməkdaşlıq müzakirə edilib.
– Yanvarın 11-də İraq parlamentinin sədri Məhəmməd Əl-Həlbusi Bağdadda iordaniyalı həmkarı Əhməd Əs-Səfdi ilə görüşüb.
– Yanvarın 12-də Bağdad əyalətinin Əl-Taci bölgəsində amerikalı işğalçıların logistika karvanına İraq müqavimət dəstələri tərəfindən hücum lunub.

Daha çox oxuyun: Amerika işğalçılarının İraqdakı logistika karvanına hücum olub

– Yanvarın 13-də İŞİD terror qruplaşması öz ünsürlərinin Bağdadın şimalında yerləşən Tarimiyyənin Əl-Tabi bölgəsində İraq ordusu və antiterror qüvvələrinin birgə patrul karvanına hücumu barədə bəyanat yayıb.
– Yanvarın 16-da İran İslam İnqilabı Keşikçiləri Korpusunun Qüds Qüvvələrinin komandanı Sərdar İsmayıl Qaani Bağdada səfəri zamanı Hacı Qasim Süleymaninin və şəhid Əbu Mehdi Əl-Mühəndisin şəhadət yerini ziyarət edib.
– Yanvarın 16-da Həşd-Şəəbi Təşkilatının 12-ci Briqadasının qüvvələri İŞİD ünsürlərini təqib edərək həbs etmək üçün Bağdadın şimalındakı Tarimiyyə bölgəsində əməliyyata başlayıb.
– Yanvarın 16-da İraqın baş naziri Məhəmməd Şəyya Əl-Sudani Ağ Evin Yaxın Şərq və Şimali Afrika üzrə koordinatoru və ABŞ prezidenti Co Baydenin nümayəndəsi Brett Makqurk ilə görüşüb və İraq-ABŞ münasibətlərini və onların müxtəlif sahələrdə gücləndirilməsi yollarını müzakirə edib.
– Yanvarın 16-da İran İslam İnqilabı Keşikçiləri Korpusunun Qüds Qüvvələrinin komandanı Sərdar İsmayıl Qaani şəhid Seyid Məhəmməd Baqir Həkimin həyat yoldaşının dəfn mərasimində iştirak edib.

2- Səlahəddin:
Səlahəddin əyalətinin təhlükəsizlik rəsmiləri bildiriblər ki, İraq Təhlükəsizlik Qüvvələri və Həşd-Şəəbi təşkilatının qüvvələri havanın çənli olmasına dair şəraitdə İŞİD-in istənilən hücumunu dəf etmək üçün yüksək hazırlıq vəziyyətindədir.

3- Süleymaniyyə:
Yanvarın 13-də İraq Kürdüstanının Çəmçəmal bölgəsində yerləşən və BƏƏ-yə aid Dane Gas şirkətinin idarəsində olan Kormor qaz yatağına naməlum şəxslər raket hücumu ediblər.

Daha çox oxuyun: İraqdakı Kormor qaz yatağına raket hücumu olub

4- Diyalə:
Yanvarın 11-də İŞİD-in xəbər mənbələri bu terror qruplaşmasının ünsürlərinin Əl-Miqdadiyyə bölgəsindəki Əl-Binkani kəndində İraq polis qərargahına hücum etdiyini bildirib. İŞİD-in məlumatına görə, bu əməliyyat nəticəsində bir polis qüvvəsi şəhid olub, bir nəfər isə yaralanıb.

5- Kərkük:
Yanvarın 14-də İraq Ordusunun Baş Qərargah rəisi Əbdül Əmir Rəşid Yarallah və İraqın Birgə Əməliyyatlar Qərargahının rəis müavini Qeys Əl-Məhəmmədavi təhlükəsizliklə bağlı son vəziyyətlə tanış olmaq üçün Kərkük vilayətinə gediblər.

6- İraqın daxili işlər naziri Əbdül Əmir Əl-Şəmmari İraqın İran və Türkiyə ilə sərhədlərinə nəzarət etmək məqsədi ilə sərhəd bazalarına 6000 köməkçi polis qüvvələrinin yerləşdirildiyini açıqlayıb.

Daha çox oxuyun: 6 min İraq əsgəri İran və Türkiyə ilə sərhəddə yerləşdirilib