Putinin xüsusi nümayəndəsi Bəşər Əsədlə görüşüb + FOTO

Rusiya prezidenti Vladimir Putinin xüsusi nümayəndəsi Aleksandr Lavrentyev yanvarın 12-də Dəməşqdə Suriya prezidenti Bəşər Əsədlə görüşüb və danışıb. Bu görüşdə tərəflər Moskva ilə Dəməşq arasındakı strateji əlaqələri və son regional və beynəlxalq vəziyyəti nəzərdən keçiriblər.

Bəşər Əsəd bu görüşdə deyib:

“Siyasi və media müharibəsi hazırda ən gərgin müharibədir və bu məsələ siyasi mövqelərdə daha çox aydınlıq və sabitlik tələb edir. Ona görə də Suriya Rusiyanın Donbassda keçirdiyi xüsusi hərbi əməliyyatları dəstəkləyir”.

Lavrentyev bu görüşdə deyib:

“Rusiya Ukraynada hərbi əməliyyatlar başlayandan bəri Suriyanın konstruktiv mövqelərini yüksək qiymətləndirir. Dünyada Rusiyanın qələbəsinə inanan bir çox ölkələr var. ABŞ və müttəfiqlərinin Rusiya və Suriyanı təcrid etmək üçün təzyiqləri uğursuzluqla nəticələnib. Dünyada baş verən sürətli dəyişikliklərdən yararlanmaq lazımdır.”

O, Rusiya, Türkiyə və Suriya müdafiə nazirlərinin Moskvada keçirilən son görüşünə toxunaraq, bu görüşü müsbət qiymətləndirib və Rusiyanın belə görüşlərin davam etdirilməsinin vacib olduğuna inandığını bəyan edib.

Suriya prezidenti də bununla bağlı deyib:

“Bu görüşlərin məhsuldar olması və Suriyanın bu görüşlərdən gözlədiyi konkret məqsəd və nəticələrə nail olmaq üçün, Suriya və Rusiya arasında Suriya hökuməti və xalqının İşğalın sona çatması və terrora dəstəyin dayandırılması kimi prioritetləri üzərində əvvəlcədən koordinasiya və planlaşdırmalara əsaslanmaq lazımdır.”

Qeyd edək ki, bir neçə gün əvvəl Türkiyənin “Aydınlıq” qəzeti məlumatlı mənbələrə istinadən xəbər vermişdi ki, Türkiyə prezidenti Rəcəb Tayyib Ərdoğan və Suriya prezidenti Bəşər Əsəd iki ölkə arasında münasibətlərin yaxşılaşdırılması və normallaşması prosesinin üçüncü mərhələsində Suriyanın şimalında baş verən hadisələr nəticəsində Türkiyə prezident seçkiləri (2023-cü il may) öncəsi bir-birləri ilə görüşəcəklər.

Daha çox oxuyun: Ərdoğan və Əsəd Türkiyə prezident seçkiləri öncəsi görüşəcəklər!