Suriyada baş verən son hadisələr, 1 Yanvar 2023

1- Hələb:
Dekabrın 31-də Təll-Rəəfət ətrafında kürd silahlılarının mövqeləri Türkiyənin dəstəklədiyi terrorçuların hədəfi olub.

2- İdlib:
Dekabrın 28-də İdlibin cənubunda yerləşən Əl-Barə və Kansafra bölgələrində terrorçuların mövqeləri Suriya ordusunun artilleriya hücumu ilə hədəfə alınıb.

3- Dəraa:
Dəraa əyalətində son 24 saat ərzində iğtişaşlar nəticəsində Daail, Tefs və Bəsr Əl-Hərir şəhərlərində 5 nəfər ölüb, Casim və Nəvi şəhərlərində isə biri uşaq olmaqla 3 nəfər yaralanıb.

4- Deyr əz-Zor:
Dekabrın 30-da Suriyanın şərqindəki Deyr əz-Zor əyalətində yerləşən Əl-Ömər neft yatağında Amerika işğalçı qüvvələrinin mövqeləri raket zərbələri ilə hədəfə alındı.

Daha çox oxuyun: Suriyadakı Əl-Ömər neft yatağında Amerika mövqelərinə raket zərbələri endirilib

– Dekabrın 30-da yerli vaxtla saat 8:30 radələrində İŞİD terror qruplaşmasının ünsürləri bölgənin dumanlı atmosferindən istifadə edərək Deyr-əz-Zorun cənubunda Əl-Tim neft yatağının əməkdaşlarını daşıyan 3 avtobusa hücum edib. Bu terror əməliyyatı zamanı azı 10 nəfər şəhid olub, daha 4 nəfər yaralanıb.

Daha çox oxuyun: İŞİD Deyr əz-Zorda neft yatağı işçilərini daşıyan avtobusa qəfil hücum edib

– Dekabrın 30-da İŞİD xəbər mənbələri Deyr əz-Zorun ətrafında yerləşən Əl-Hərici bölgəsində Suriya Demokratik Qüvvələrinə (SDQ) məxsus nəzarət-buraxılış məntəqəsinin hədəf alındığını bildirib. Bu əməliyyatda Suriya Demokratik Qüvvələrinin (SDQ) bir neçə üzvü yaralanıb.

– Dekabrın 31-də Əl-Ömər neft yatağına raket hücumundan sonra Amerika koalisiyası və Suriya Demokratik Qüvvələri Əbu Əl-Nitl kəndində təhlükəsizlik əməliyyatına başlayıb.

5- Raqqa:
Dekabrın 28-də Türkiyənin dəstəklədiyi terrorçular artilleriya hücumları ilə M4 magistralını və Eyn-İsa ətrafını hədəfə alıblar.

6- Həsəkə:
Dekabrın 29-da Suriya Demokratik Qüvvələri (SDQ) və Amerika koalisiyası İŞİD terror qruplaşması ilə mübarizə bəhanəsi ilə Həsəkə vilayətinin bəzi kənd və bölgələrində “Əl-Cəzirə İldırımı” adlı əməliyyata başlayıb.

7- Homs:
Dekabrın 31-də İŞİD terror qruplaşmasının Suriya ordusunun Tedmor şəhəri ətrafında yerləşən qərargahına hücumu nəticəsində bir neçə suriyalı hərbçi şəhid olub və yaralanıb.

8- Rusiya, Türkiyə və Suriyanın müdafiə nazirləri Moskvada üçtərəfli görüş keçirib. Bu görüşdə iştirak edən tərəflər Suriya böhranının həlli, mühacirlər və Suriyada terrorla mübarizə ilə bağlı məsələləri müzakirə ediblər.

Daha çox oxuyun: Moskvada Rusiya, Türkiyə və Suriyanın üçtərəfli görüşü keçirilib

9- Dekabrın 31-də Türkiyənin xarici işlər naziri yanvarın ikinci yarısında Suriya, Türkiyə və Rusiya xarici işlər nazirlərinin iştirakı ilə üçtərəfli görüşün keçirilməsinin mümkünlüyünü açıqladı.