Zelenski Amerikaya səfər etdi; Patriotun Ukraynaya göndərilməsi təsdiqləndi + FOTO

Dünən dekabrın 21-də Ukrayna prezidenti Vladimir Zelenski Amerikaya mühüm səfəri zamanı prezident Cozef Baydenlə görüşüb və danışıb. Bu, Zelenskinin Ukraynada müharibə başlayandan sonra ilk xarici səfəridir.

Hər iki tərəf ABŞ-ın Ukraynaya maliyyə və hərbi dəstəyini davam etdirməsini və Rusiyaya qarşı daha çox sanksiyaların tətbiqini vurğulayıb. Bununla əlaqədar verdiyi açıqlamalarda Bayden Ukraynaya 1,85 milyard dollar dəyərində yeni hərbi yardım şəklində Patriot hava hücumundan müdafiə sistemlərinin çatdırılmasını təsdiqləyərkən, Ukraynaya 45 milyard əlavə hərbi yardımın təsdiqlənməsi gözləntisini açıqlayıb.
Zelenski də bu səfəri Ukrayna ilə ABŞ arasında münasibətlərdə yeni mərhələ hesab edib və müharibəni bitirmək üçün Rusiya ilə danışıqlara dair əvvəlki mövqelərini vurğulayıb.

Daha çox oxuyun: “Patriot” Ukrayna müharibəsinə girəcəkmi?

Bu görüşdən sonra Zelenski Konqres liderləri və hər iki Amerika partiyasının Milli Təhlükəsizlik Komitəsinin rəhbərləri ilə çıxış və məsləhətləşmələr üçün ABŞ Konqresinə gedib. Zelenski ABŞ Konqresində Rusiya və İrana qarşı bəyanatlarında deyib:

“Rusiya ukraynalılara qarşı soyqırımda İran kimi müttəfiq tapıb. İran bizim infrastrukturumuzu məhv etmək üçün Rusiyaya yüzlərlə dron göndərib və bu, başqa bir terrorçuya kömək edən terrorçudur. Onların hər an başqa bir müttəfiqimizə hücum etmələri mümkündür və biz onları dayandırmalıyıq. Rus təcavüzünə qarşı mübarizəmizə kömək etmək üçün Ukraynaya verdiyiniz milyard dollarlıq yardım xeyriyyəçilik deyil! Daha doğrusu, bu, qlobal təhlükəsizliyə və demokratiyaya sərmayədir. Ukrayna əsgərlərinin Rusiyaya qarşı mübarizəsi 1944-cü ildə Amerika əsgərlərinin Hitlerə qarşı mübarizəsinə bənzəyir və Ukrayna heç vaxt Rusiyaya təslim olmayacaq.

Rusiya rəsmiləri bu səfəri Ukrayna və ABŞ-ın sülhə can atmamasının göstəricisi kimi qiymətləndirib və Qərbin Ukraynaya silah göndərməsinin yalnız münaqişələrin gərginləşməsi ilə nəticələnəcəyini vurğulayıblar.