Məşhəddə “Ceyş Əl-Ədl”in terror əməliyyatı uğursuzluqla nəticələnib

Dünən şənbə günü 10 dekabr tarixində Xorasan Rəzəvi əyalətinin İmam Rza Korpusunun (ə) elanına əsasən, Məşhəd şəhərində “Ceyş Əl-Ədl” terror qruplaşmasına bağlı bir sıra şəxslər müəyyən edilərək saxlanılıb. Həmçinin, digər vilayətlərdə əlaqəli şəxslər və onlara dəstək verən ünsürlər müəyyən edilərək cinayət məsuliyyətinə cəlb edilib.
Bu komanda müxtəlif terror əməliyyatları, o cümlədən Xorasan Rəzəvi əyalətinin rəsmi hökümət binalarına hücum, Höccətül-İslam Vəl Müslimin Məşhədin imam cüməsi Seyid Əhməd Ələmul-Hudanın öldürülməsini nəzərdə tuturdu. Həmin şəxslərin gizləndiyi yerdən çoxlu sayda silah, sursat və partlayıcı maddələr ələ keçirilib.

“Ceyş Əl-Ədl” terror qruplaşması da bəyanat yayaraq, Məşhəddə iki üzvünün həbs olunduğunu təsdiqləyib. Ceyş Əl-Ədl iddia edir ki, onun üzvləri bu sahədə mövcuddur və tezliklə Zahidan şəhidlərinin qanının qisasını alacaq.

“Ceyş Əl-Ədl” terror qruplaşmasının əməliyyatlarının uğursuzluğa düçar olmasının Sistan və Bəlucistanın sünni alimlərindən olan Moləvi Əbdülvahid Riginin öldürülməsi xəbəri ilə üst-üstə düşməsi terror qruplaşmalarının iki məzhəb olan sünni və şiə tərəfdarları arasında ixtilaf yaratmaq üçün birgə planından xəbər verir.

Daha çox oxuyun: Sistan və Bəlucistan əyalətindəki Ceyşül-Ədl qruplaşmasının izləri görsənir