Fələstində baş verən son hadisələr, 26 Noyabr 2022

– Sionist rejimin yeddinci telekanalı iddia edib ki, təhlükəsizlik təxminləri Qüdsdə fəaliyyət göstərən və Türkiyədəki Həmas liderlərinin dəstəklədiyi bir qrupun işğal olunmuş Qüdsdəki son partlayışlara görə məsuliyyət daşıdığını göstərir.
– Noyabrın 23-də İsrail rejimi əsgərlərinin Nablus şəhərinə basqını zamanı 16 yaşlı fələstinli yeniyetmə Əhməd Əmcəd Şəhhadə şəhid oldu.
– Livanın “Əl-Əxbar” qəzeti İordan çayının qərb sahilində müqavimət əməliyyatlarının güclənməsindən sonra sionist rejimin Qəzzəyə qarşı təhdidlərinin artmasından sonra HƏMAS-ın Misir vasitəsilə sionist rejimə sərt xəbərdarlıq etdiyini açıqlayıb.
– Sionist rejimin (Şabak) daxili təhlükəsizlik xidmətlərinin keçmiş rəhbəri “Ami Ayalon” 1948-ci ildə işğal olunmuş ərazilərdə, İordan çayının qərb sahilində və xüsusilə Qüdsdə vəziyyətin hazırkı vəziyyətdən daha da pisləşəcəyini proqnozlaşdırıb.
– Noyabrın 26-da İordan çayının qərb sahilindəki Fələstin müqavimət dəstələrindən biri olan Balata taboru Nablusun şərqindəki Balata düşərgəsinə edilən hücumdan sonra İsrail əsgərlərinə qarşı kütləvi atəş açdığını açıqladı.
– Likud Partiyası ilə Yəhudi Əzəməti Partiyası arasında ilk koalisiya razılaşmasına əsasən, İtamər Bin Qafir sionist rejimin yeni hökumətində daxili təhlükəsizlik naziri təyin edilib.
– Noyabrın 25-də sionist rejimin Qüds şəhərindəki qadağalarına baxmayaraq, 60 min fələstinli Əl-Əqsa məscidində cümə namazında iştirak edib.
– Son 24 saat ərzində iki fələstinli sionist rejimin təhlükəsizlik qüvvələri tərəfindən İordan çayının qərb sahilində anti-İsrail əməliyyatları keçirməyə cəhd ittihamı ilə həbs edilib.
– Noyabrın 23-də işğal olunmuş Qüds şəhərinin Ramot məhəlləsində və mərkəzi avtovağzalda baş vermiş iki partlayış nəticəsində bir sionist həlak olub, 22-dən çox insan yaralanıb.

Daha çox oxuyun: İşğal olunmuş Qüdsdəki partlayış sionistləri qana boyadı + FOTO

– “Musanın Əsası” haker qrupu partlayış baş verən zaman işğal altındakı Qüdsün müşahidə kameralarının videosunu dərc edib. Bu haker qrupu israillilərə xitabən deyib: “Qaranlıq həyat; Tökülmüş qanın əvəzini verəcəksiniz. Fələstinin işğal olunmuş ərazilərində sülh və rahatlıq tapmayacaqsınız; Sizin sonunuzu biz müəyyən edəcəyik. Bundan əlavə, sizin kameralarınızın hard diskini format etdik!”