Əfqanıstan və Pakistanda baş verən son hadisələr, 19 Fevral 2022

1- Kabil:
Fevralın 14-də Əhməd Məsud qüvvələri Pansəd Famili məhəlləsində Taliban nəzarət-buraxılış məntəqəsinə hücum edərək səkkiz Taliban üzvünü öldürdüklərini iddia ediblər.

2- Konnor:

• Fevralın 15-də Suki qəsəbəsində İŞİD-in hücumu zamanı “Taliban” silahlıları daşıyan hərbi maşın məhv edilib, içərisindəkilər ölüb və yaralanıb.
• Fevralın 16-da Pakistan ordusu Sarkano qəsəbəsi ərazilərinə artilleriya hücumu həyata keçirib. Atışmalar Taliban və Pakistan ordusu arasında qarşıdurma ilə davam edib.

3- Pəncşir:
Fevralın 17-də Əhməd Məsud qüvvələrinin Dərre qəsəbəsində Taliban mövqelərinə hücumu nəticəsində üç Taliban üzvü öldürülüb.

4- Badğis:
Fevralın 11-də Qale Nov şəhərindəki mərkəzi məscidin kənarında törədilən terror aktı nəticəsində 1 mülki şəxs şəhid olub, 20 nəfər yaralanıb.

5- Bağlan:

• Fevralın 13-də yerli mənbələr Əhməd Məsud qüvvələrinin Əndərab qəsəbəsində Talibanla qarşıdurması barədə məlumat yayıb.
• Fevralın 18-də Taliban helikopterləri Əhməd Məsud qüvvələrinin Əndərab qəsəbəsində mövqelərini bombalayıb.

6- Təxar:
Fevralın 14-də Talibanın müdafiə nazirinin müavini Qari Fassihuddin Tacikistan, Özbəkistan və Əhməd Məsud qüvvələrinin və hərəkatlarının hücumlarına qarşı çıxmaq üçün Əfqanıstanın şimal sərhədinə 10 min hərbçi göndərildiyini açıqlayıb.

7- Fevralın 13-də İranın ikinci hava yolu şirkəti olan Taban Hava Yolları Əfqanıstana uçuşlarını bərpa etdi.

8- Pakistan:
Pakistan ordusu Əfqanıstanla sərhəddə terrorçu qruplara qarşı əməliyyatlara başladığını elan edib. Pakistan ordusu bu əməliyyatları Pakistandakı Talibanın artan hücumlarına cavab olaraq başladığını bildirib.

Daha çox oxuyun:

Əfqanıstan və Pakistanda baş verən son hadisələr, 10 Fevral 2022