Orta Asiyada baş verən son hadisələr, 30 İyul 2022

Əfqanıstan:
1- Pəncşir:
İyulun 27-də Xənəc şəhərində “Taliban” silahlılarını daşıyan avtomobilin yoluna quraşdırılmış bombanın partlaması nəticəsində 5 Taliban üzvü öldürülüb.

2- Bəğlan:
– İyulun 23-də Pul-Xomri şəhərinin təhlükəsizlik binası yaxınlığında Taliban silahlıları ilə naməlum silahlılar (İŞİD və ya Əhməd Məsud qüvvələri) arasında baş vermiş toqquşma nəticəsində iki Taliban üzvü də daxil olmaqla 4 nəfər ölüb, 20 nəfər yaralanıb.
– İyulun 23-də Deh Salah şəhərinin bazarında puştun və tacik əsilli olan Taliban üzvləri arasında baş vermiş daxili qarşıdurma nəticəsində Talibanın beş üzvü öldürülüb və yaralanıb.

3- Təxar:
– İyulun 22-də Əhməd Məsud qüvvələrinin Taleqan şəhərinin ətrafında yerləşən Novabad Xətayan kəndində Taliban silahlılarını daşıyan maşına hücumu nəticəsində 3 Taliban silahlısı öldürülüb, 3-ü yaralanıb.
– İyulun 24-də Varsac şəhərinin Tənqi kəndində puştun və tacik əsilli Taliban üzvləri arasında baş vermiş toqquşma nəticəsində 12 Taliban üzvü öldürülüb və yaralanıb.
– İyulun 28-də Əhməd Məsudun qüvvələri Fərxar şəhərinin Dəşte Bala və Dəhən Zereh kəndlərində Taliban mövqelərinə hücum edib.
– İyulun 29-da Əhməd Məsud qüvvələrinin Varsac şəhərində yerləşən Xan Ağa kəndinə aid mədəniyyət mərkəzinin binasına hücumu nəticəsində iki Taliban silahlısı öldürülüb.

4- Kabil:
– İyulun 25-də Taliban silahlıları “Rahe-Fərda” radio və televiziyasının binasını bağlayıb və bu şəbəkənin bütün fəaliyyətini dayandırıblar.
– İyulun 27-də Talibanın baş naziri “Molla Məhəmməd Həsən Axund” Pakistanın din alimlərindən ibarət nümayəndə heyəti ilə görüşüb müzakirələr aparıb.
– İyulun 29-da 8-ci məhəllədə Çəmən Huzuri stadionunda bombanın partlaması nəticəsində bir neçə dinc sakin həlak olub və yaralanıb.

5- Qəzni:
İyulun 23-də silahlı köçərilər Taliban silahlılarının dəstəyi ilə Cəğtu şəhərində yerləşən Fəqir Şah kəndinin sakinlərinin torpaqlarını qəsb ediblər.

6- Bamiyan:
İyulun 25-də bu şəhərin təhlükəsizlik qüvvələrinin komandiri ilə Yakavlənq şəhərinin qubernatoru arasında baş vermiş daxili qarşıdurma nəticəsində bu şəhərin təhlükəsizlik qüvvələrinin komandiri “Seyid Cavid” də daxil olmaqla bir neçə Taliban silahlısı yaralanıb.

7- Kunduz:
İyulun 23-də Azadeqan Cəbhəsi qüvvələri Çahar Dərə şəhərinin Mamaxil kəndində “Qari Həqyar” adlı Taliban silahlılarından birini öldürüblər.

8- Pərvan:
İyulun 27-də naməlum silahlı şəxslər Çarikar şəhərinin ətrafındakı Tatamdara kəndində Talibanın hərbi komissiyasının rəhbəri Məlik Sərdarı qətlə yetiriblər.

9- Sarepol:
İyulun 25-də Talibanın təhlükəsizlik xidməti rəhbəri Moləvi “Əbdul-Həq-Vəsiq” Talibanın mövqelərini araşdırmaq və Mehdi Mücahid qüvvələrinin mümkün hücumuna qarşı çıxmaq üçün Bəlxab şəhərinə səfər edib.

10- Zabul:
İyulun 26-da Mizan şəhərinin Axund kəndində minaatan başlığının partlaması nəticəsində 2 uşaq həlak olmuş, 10 mülki şəxs yaralanmışdır.

11- Nimruz:
İyulun 26-da Taliban silahlı qüvvələri Xaşrudda yaşayan 20-dən çox tacik əsilli ailəni köçməyə məcbur edib və evlərini qəsb ediblər.

12- Qəndəhar:
İyulun 28-də Spin Boldak şəhəri sərhədində Taliban silahlıları ilə Pakistan sərhədçiləri arasında baş verən toqquşma nəticəsində bir Taliban üzvü və bir mülki şəxs olmaqla iki nəfər yaralanıb.

13- Ləğman:
İyulun 28-də Əlinqar şəhərində İŞİD və Taliban silahlıları arasında baş verən qarşıdurma nəticəsində İŞİD-in bu şəhərdəki nümayəndəsi olan Moləvi Firuz da daxil olmaqla 3 İŞİD üzvü öldürülüb.

Pakistan:
1- İyulun 26-da “Mövlana Müfti Təqi Osmani”nin başçılığı ilə Pakistanın din alimlərindən ibarət bir heyət “Pakistan Təhrik-e-Taliban” qrupu ilə görüşmək və söhbət etmək üçün Kabilə səfər edib.
2- İyulun 26-da Pakistan Ali Məhkəməsi Pəncabın keçmiş naziri Həmzə Şahbazı vəzifəsindən azad etdi və Təhrik-e-İnsaf Partiyasının (İmran Xanın rəhbərlik etdiyi) namizədi Pərviz Elahiyə yeni nazir vəzifəsinə and içməyi əmr etdi.

Özbəkistan:
1- İyulun 26-da Əfqanıstanla bağlı Daşkənd görüşü başladı. Bu görüşdə iyirmidən çox ölkənin və beynəlxalq qurumların nümayəndələri iştirak edib.
2- Talibanın xarici işlər naziri Moləvi “Əmir Xan Müttəqi” bu görüş zamanı ABŞ-ın Əfqanıstan üzrə xüsusi nümayəndəsi Tomas Uest və Çin və Pakistanın xarici işlər nazirləri ilə görüşüb müzakirələr aparıb. Müttəqi Tomas Uest ilə görüşdə Əfqanıstanın qızıl ehtiyatlarının sərbəst buraxılması şərtləri və humanitar yardımı müzakirə edib.

Tacikistan:
Tacikistan İslam Hərəkatının lideri Muhiyuddin Kəbiri, Twitter-dəki mesajında, taciklərlə bağlı sülhün təminatçısı və bir neçə mərhələ sülh danışıqlarına ev sahibliyi edən İrandan İmam Əli Rəhmanın sülhlə bağlı danışıqların bəndlərinə etdiyi xəyanətə rəsmi reaksiya verməsini istəyib.