İraqda baş verən son hadisələr, 24 İyul 2022

1- Bağdad:

– İyulun 21-də İraqın baş naziri Mustafa Əl-Kazimi Bağdad hava limanında bir sıra İraq rəsmiləri və hərbi komandirləri ilə birlikdə Türkiyə ordusunun Dohuka hücumu zamanı həlak olanların meyitlərinin rəsmi qarşılanma mərasimində iştirak edib.

Daha çox oxuyun: Türkiyə hücumu qurbanlarının cənazələri üçün qarşılanma mərasimi + FOTO

– İyulun 23-də Bağdadın Əl-Xədra bölgəsindəki Türkiyə səfirliyinin girişi sement baryerləri ilə bağlanıb.

– İyulun 23-də İraqın Baş naziri Mustafa Əl-Kazimi İraq Kürdüstanının sədri Məsrur Bərzanini qarşılayıb. Hər iki tərəf Türkiyənin İraq ərazisinə hücumlarını, xüsusən də Türkiyə ordusunun Dohuk vilayətinin Batifa bölgəsindəki kurort zonasına son hücumunu kəskin şəkildə pisləyib.

2- Dəyali:

-İyulun 24-də Səədiyyə bölgəsində keçirilən əməliyyat zamanı Həşd-Şəəbi qüvvələri İŞİD terror qruplaşmasına aid 21 ədəd RPG7 gülləsi və bəzi sursat və partlayıcı maddələr aşkar edərək ələ keçirib.

– İyulun 23-də Dəyali vilayətində Həşd-Şəəbi Təşkilatının yaradılmasının 8-ci ildönümü şəhid Əbu Müntəzir əl-Məhəmmədavi (keçmiş Əşrəf) düşərgəsində bu ölkənin hərbi komandirləri və rəsmilərinin iştirakı ilə xüsusi mərasim və paradla keçirildi.

Daha çox oxuyun: Dəyalidə Həşd-Şəəbi qüvvələrinin paradı + FOTO

İyulun 23-də İran İslam Respublikasının İraqdakı səfiri Məhəmməd Kazım Aali-Sadiq Diyalə əyalətində yerləşən Şəhid Əbu Müntəzir Əl-Məhəmmədavi düşərgəsində Həşd-Şəəbi Təşkilatının yaranmasının 8-ci ildönümündə iştirak edib.

3- Duhuk:
İyulun 22-i və 24-də İraq müqavimət qrupları Türkiyə ordusunun Duhuk vilayətinin Bamarni bölgəsindəki bazasına dron hücumu edib.

4- Neynəva:
İyulun 22-də Türkiyə ordusunun Mosulun şimalında yerləşən Zelkan bölgəsindəki Bəəşiqə hərbi bazası 14 Qrad raketi ilə hədəfə alınıb. İslami müqavimət briqadası “Əhrar Əl-İraq” bəyanat yayaraq bu hücuma görə məsuliyyəti öz üzərinə götürüb.

5- Ərbil:
İyulun 22-də İraq Kürdüstanının təhlükəsizlik qüvvələri Ərbildə türk hərbçilərinin hücumlarına qarşı etiraz nümayişinin qarşısını alıb.

6- İyulun 23-də İraq Xarici İşlər Nazirliyinin sözçüsü Əhməd Əl-Səhhaf bildirib ki, bu nazirlik Kürdüstan bölgəsindəki sərhəd əyaləti olan Dohukda kurort zonalarının birinə artilleriya hücumu ilə bağlı BMT Təhlükəsizlik Şurasına şikayət edib.

7- İyulun 24-də İraqın hava hücumundan müdafiə komandiri Muin əs-Səədi iki yeni radar sisteminin İraqa gətirildiyini açıqladı. O, bu iki radar sisteminin Qadisiyyə və əl-Ənbar əyalətlərində yerləşdiriləcəyini bildirib.